У Францыі назвалі ўмову паездкі еўрапейцаў на перамовы ў Маскву
Еўрапейцы адправяцца ў Маскву, калі ім будзе забяспечаны «паўнавартасны ўдзел» у перамовах, заявілі ў Елісейскім палацы.
Прэзідэнт Францыі Эмануэль Макрон. Фота: Byron Smith/Getty Images
У адміністрацыі прэзідэнта Францыі назвалі «пазітыўным» той факт, што расійскі бок «прапануе фармалізаваць» дыялог, піша Figaro.
«Наша патрабаванне ў тым, каб пачатак або фармалізацыя гэтага дыялогу азначалі, што расійскі бок цяпер разглядае еўрапейцаў як паўнавартасных удзельнікаў перамоў і што яны будуць актыўна ўдзельнічаць у наступным раўндзе — нароўні з ЗША і Украінай», — заявілі там журналістам.