Свет

Сталі вядомыя падрабязнасці сустрэчы Дуды і Сі Цзіньпіна наконт рэжыму Лукашэнкі

Дэталямі падзялілася агенцтва Bloomberg.

Прэзідэнт Польшчы Анджэй Дуда і старшыня КНР Сі Цзіньпін на нядаўняй двухбаковай сустрэчы наконт сітуацыі на мяжы з Беларуссю. Фота: Pedro Pardo / Getty Images

Паводле крыніц агенцтва Bloomberg, знаёмых з працэсам нядаўніх перамоваў Анджэя Дуды з Сі Цзіньпінам, польскі бок прыгразіў Кітаю абарваць чыгуначны транзіт яго тавараў у Еўропу праз Беларусь, калі той не паўплывае на рэжым Лукашэнкі па пытанні нелегальнай міграцыі на польска-беларускай мяжы. 

Тым самым Польшча намацала стратэгічную ўразлівасць і Кітая, і Беларусі, бо пасля перамоваў паток мігрантаў на мяжы рэзка скараціўся, паведамляе агенцтва.

Крыніцы адзначаюць, што з-за вайны ва Украіне Беларусь стала адзіным асноўным чыгуначным шляхам кітайскіх тавараў у Еўрасаюз, а цяперашняя нестабільнасць у Чырвоным моры з-за атак хусітаў толькі ўмацавала транзітную ролю Беларусі.

Гэтая тэндэнцыя «радавала» Лукашэнку, бо давала яму магчымасць кампенсаваць амаль поўную залежнасць Беларусі ад Расіі ў галіне таннай энергіі і крэдытаў, падкрэслівае агенцтва.

Па інфармацыі Bloomberg, толькі ў першым квартале 2024 года аб'ём чыгуначных перавозак кантэйнераў з Кітая праз Беларусь павялічыўся на 89%.

Каментуючы агенцтву ход перамоваў у Пекіне, кіраўнік польскага МЗС Радаслаў Сікорскі заявіў, што «Польшча ўсё яшчэ моцна злуецца з-за забіцця польскага салдата на мяжы з Беларуссю» і таму працягне выкарыстоўваць пагрозу закрыцця чыгуначнага транзіту для ціску на рэжым.

Кітайскі МЗС у сваю чаргу паведаміў Bloomberg, што Пекін спадзяецца на вырашэнне польска-беларускіх рознагалоссяў шляхам дыялогу, што «забяспечыць бяспеку і бесперабойнасць міжнародных лагістычных каналаў».

Каментары

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

Вадзім Галыгін: Я крыху стаміўся ад гумару. Хочацца паспрабаваць нешта іншае7

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

Заснавальнік партала Realt.by прадае дом за $3 мільёны9

Як выглядае элітны клубны квартал нулявых у Мінску2

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе29

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць