Свет44

Аунг Сан Су Чжы публічна асудзіла гвалт супраць мусульман у М'янме

Дзяржаўны дарадца і дэ-факта кіраўнік урада М'янмы Аунг Сан Су Чжы ўпершыню публічна асудзіла гвалт супраць мусульманскай меншасці рахінджа у штаце Ракхайн. У сваім тэлезвароце да народа ў аўторак, 19 верасня, лаўрэат Нобелеўскай прэміі міру заявіла аб непрымальнасці любых парушэнняў правоў чалавека, ад каго б яны ні зыходзілі, паведамляе Dw.de.

Яна абяцала прыняць меры супраць парушальнікаў незалежна ад іх рэлігійнай, этнічнай і палітычнай прыналежнасці.

«Усе мы хочам міру, а не вайны», — запэўніла Аунг Сан Су Чжы, дадаўшы, што яна спачувае ўсім людзям, якія пацярпелі ад канфлікту ў Ракхайне. Дзяржаўны дарадца М'янмы абяцала асабіста азнаёміцца з тым, што адбываецца ў гэтым рэгіёне і дапусціць у краіну замежных назіральнікаў.

У той жа час яна заклікала сусветную супольнасць да цярпення. «Мы маладая і далікатная дэмакратыя, якая сутыкаецца з вялікай колькасцю праблем», — патлумачыла Су Чжы. Яна таксама не стала паглыбляцца ў дэталі з нагоды дзеянняў вайскоўцаў.

Аунг Сан Су Чжы выказала гатоўнасць «у любы момант» вывучыць статус рахінджа, якія ў апошнія тыдні масава бягуць у суседнюю Бангладэш, ратуючыся ад гвалту ў Ракхайне. Паводле яе слоў, М'янма гатова садзейнічаць вяртанню бежанцаў. Пры гэтым дзярждарадца не сказала нічога аб гарантыях вяртання.

Урад М'янмы ўжо многія месяцы праводзіць сілавую аперацыю супраць рахінджа, якіх у краіне называюць «бенгальскімі тэрарыстамі». Ахвярамі гэтай аперацыі, а таксама міжрэлігійных сутыкненняў сталі многія сотні людзей, пераважна рахінджа. У Бангладэш збеглі ўжо больш за 400 тысяч мусульман.

Каментары4

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Трамп і Пуцін абмяркоўвалі вайну ва Украіне1

Інфапункты для беларусаў за мяжой створаць у Вільні, Варшаве і Познані. Колькі ў іх будзе супрацоўнікаў і хто стане плаціць заробкі?6

Украіна трэці раз з пачатку тыдня атакавала Крымскі мост1

Карціна Ван Гога прададзена з аўкцыёну за рэкордныя 190,4 мільёна даляраў2

Як згуляць у GTA 6, калі жывеш у Беларусі2

З 1 студзеня днём рух грузавікоў па МКАД плануюць забараніць

Трамп і Пуцін сустрэліся на палях саміта АЦЭС3

У Афрыцы зазелянела пустыня — і прычына гэтаму не толькі змена клімату4

У жаночых прыбіральнях Кітая з'яўляюцца пісуары. Навошта?1

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць