Вайна4040

Крымскі мост зруйнаваны ўдарам украінскіх ракет

Украінскія крылатыя ракеты прабілі СПА моста, у склад якога ўваходзяць і С-400, і «Панцыры».

Аўтамабільны пралёт і арка Крымскага моста абрынуліся ў ваду пасля другой за суткі атакі, паведамляюць украінскія маніторынгавыя каналы і расійскія ваенныя блогеры. Яны публікуюць фота і відэа наступстваў удару. Расійскія ўлады пацвердзілі новую атаку і спыненне руху, але маштаб разбурэнняў пакуль не раскрылі.

У ноч на аўторак, 17 лістапада, каналы Exilenova+ і Supernova+ апублікавалі відэа ўдараў па мосце. Пад удар трапіла адна з арак моста.

Раніцай з’явіліся кадры наступстваў. «Там толькі адна арка стаіць, другой няма», — кажа аўтар відэа, апублікаванага Supernova+.

Пра абвал «аднаго пралёта і аркі аўтамабільнай часткі моста» напісаў і расійскі праваенны блогер Барыс Рожын.

У сеціве таксама з'явілася відэа, на якім, як сцвярджаецца, бачная крылатая ракета FP-5 «Фламінга» за секунду да ўдару. Пацвярджэння тыпу выкарыстанай зброі пакуль няма.

Прызначаны Расіяй кіраўнік анексаванага Крыма Сяргей Аксёнаў паведаміў пра паўторную атаку каля 1:35. Аўтамабільны рух па мосце спынілі яшчэ ў 23:54 папярэдняга дня. Жыхароў заклікалі ўстрымацца ад паездак у яго кірунку.

Папярэдні ўдар па мосце адбыўся раніцай 16 лістапада. Пасля яго з’явіліся здымкі пашкоджанага дарожнага палатна як мінімум у двух месцах і дэфармаванай аркі.

Расійскія і лукашэнкаўскія СМІ пра руйнаванне Крымскага моста дагэтуль не паведамілі.

Замест гэтага шматлікія расійскія каналы пішуць пра «адбіццё атакі ўкраінскіх беспілотнікаў» і нібыта «прадухіленне масавых тэрактаў, за якімі стаялі ўкраінскія спецслужбы».

Афіцыйная інфармацыя Масквы пакуль такая: «Рух аўтамабіляў і цягнікоў па Крымскім мосце часова прыпынілі пасля паўторнай атакі БПЛА за суткі, паведамілі ў Мінтрансе.

Паводле папярэдніх звестак, абышлося без пацярпелых. Спецыялісты ўжо прыступілі да ацэнкі шкоды, а кіроўцаў заклікалі ўстрымацца ад паездак у бок моста да з'яўлення афіцыйнай інфармацыі аб аднаўленні руху.

Тым часам на пад'ездах працягваюць працаваць пункты харчавання і абагрэву. Як паведаміў губернатар Краснадарскага края Веніямін Кандрацьеў, пры неабходнасці іх колькасць павялічаць».

Каментары40

  • Юзік
    17.11.2026
    “Гэта такая сістэма маятнікаў як ў Тайбэі! Так і было задумана каб супрацьстаяць штармам” пісаў нейкі расейскі бот учора)))))))))))))))
  • Імя
    17.11.2026
    Да абураных лямантаў у твітары агента Краснова засталося тры... два...
  • Indrid Cold
    17.11.2026
    Прыгожа, дзякуй ЗСУ і Украіне за добры настрой. Няхай шчасціць болей усім хто змагаецца са злом!

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?16

Зніклага расійскага Z-ваенкара Раманава маглі абвінаваціць у дзяржздрадзе5

Па справе абразы доктаркай жанчыны з інваліднасцю на яе працы праводзяць праверку6

Жанчына набыла цукеркі «Бутэлечкі», у якіх усярэдзіне не было лікёру. Чаму так?5

У Мінску пачалі будаваць новы касцёл8

больш чытаных навін
больш лайканых навін

Крымскі мост зруйнаваны ўдарам украінскіх ракет40

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць