Улада1818

Ахоўнік прэзідэнта

Уцюрын належыць да наймаладзейшага пакалення людзей, што знаходзяцца побач з Лукашэнкам. Разам з тым, Андрэй Уцюрын абсалютна не вылучаецца з агульнага шэрагу беларускіх сілавікоў, большасць з якіх нарадзіліся за межамі краіны.

Некалькі тыдняў таму Аляксандр Лукашэнка падпісаў указ аб «Аб дзяржаўнай ахове», які ўраўнаважвае службу аховы прэзідэнта з КДБ.

Падрыхтоўкай і лабіраваннем займаўся кіраўнік Службы бяспекі прэзідэнта Андрэй Уцюрын. Паводле новага дакумента, ведамства Уцюрына атрымала законнае права праводзіць аператыўна‑вышуковую дзейнасць і ствараць падраздзяленні спецыяльнага назначэння. Не апошняя заслуга ў стварэнні адной з наймацнейшых у свеце службаў аховы кіраўніка дзяржавы належыць менавіта Андрэю Уцюрыну.

Гэтага лысаватага крэпкага мужчыну можна часта ўбачыць побач з Аляксандрам Лукашэнкам. Уцюрын суправаджае Лукашэнку ў замежных камандзіроўках. Нярэдка ў кадры тэлевізійнікаў ён трапляў разам з будучым кіраўніком Адміністрацыі прэзідэнта Уладзімірам Макеем. Падчас звароту галавы дзяржавы да народу і парламенту Уцюрын сядзеў побач з Віктарам Лукашэнкам.

Ураджэнца Пензы Андрэя Уцюрына часта называюць новым чалавекам у атачэнні кіраўніка дзяржавы. Насамрэч гэта не зусім так, хоць публічна ягонае прозвішча і прагучала толькі ў ліпені 2007, калі 36‑гадовы падпалкоўнік замяніў Юрыя Жадобіна на пасадзе начальніка службы бяспекі прэзідэнта.

Тым не менш, побач з Лукашэнкам Уцюрын з году Ганебнага рэферэндуму — з 1995‑га, з 24 гадоў. Ці шмат хто з цяперашніх набліжаных да ўлады людзей могуць пахваліцца нечым падобным?

У 1992 годзе Андрэй Уцюрын скончыў Саратаўскае вышэйшае вайскова‑каманднае вучылішча. А потым лёс закінуў яго ў Беларусь. У першыя гады незалежнасці ён займаў розныя пасады ў сістэме МУС Беларусі. Па некаторых звестках, служыў і ва ўручанскім спецназе 3214.

Зрэшты, гэта было толькі да той пары, пакуль на службу да сябе не паклікаў Лукашэнка. Можна толькі здагадвацца, якія ён там займаў пасады і які прайшоў шлях. Відавочна толькі, што ў такім раннім узросце Уцюрын прыйшоў не на кіроўныя пасады.

Але калі Уцюрын змяняў Жадобіна, то ўжо з’яўляўся кіраўніком упраўлення асабістай аховы Лукашэнкі

Уцюрын належыць да наймаладзейшага пакалення людзей, што знаходзяцца побач з Лукашэнкам. Старшыні памежнага камітэту Ігару Рачкоўскаму — 40, намесніку кіраўніка Адміністрацыі прэзідэнта Мікалаю Снапкову — 40, Андрэю Уцюрыну — 38, першай намесніцы кіраўніка Адміністрацыі прэзідэнта Наталлі Пяткевіч — 37, галоўнаму ідэолагу Усеваладу Янчэўскаму — 33, столькі ж і самому Віктару Лукашэнку. Столькі 30‑гадовых побач з Лукашэнкам не было ніколі.

Разам з тым, Андрэй Уцюрын абсалютна не вылучаецца з агульнага шэрагу беларускіх сілавікоў, большасць з якіх нарадзіліся за межамі краіны. Раду бяспекі ўзначальвае ўраджэнец Днепрапятроўску Юры Жадобін, КДБ — яшчэ адзін сын афіцэра Савецкай арміі ўраджэнец Украіны Вадзім Зайцаў. З Смаленшчыны былы міністр унутраных справаў Уладзімір Навумаў, а ягоны наступнік Анатоль Куляшоў нарадзіўся ў азербайджанскім Алі‑Байрамлы. Дарэчы, адтуль жа і міністр па надзвычайных становішчах Энвер Барыеў. Асецін Юры Караеў узначальвае спецназ.

Уцюрын асабіста наведваў камеры турмы на Акрэсціна падчас падзеяў на Плошчы. Людзі, што нейкі час працавалі з ім, характарызуюць Уцюрына, як «разумнага і хітрага чалавека».

Зміцер Панкавец

Каментары18

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць