Грамадства

З Рускага тэатра звольнілі Маляваныча

З Нацыянальнага акадэмічнага драматычнага тэатра імя Максіма Горкага звольнілі артыста Аляксандра Ждановіча, піша «Народная Воля».

Вядомы акцёр, экс-вядоўца Маляваныч з дзіцячай праграмы «Калыханка» Аляксандр Ждановіч пакінуў учора сцены роднага тэатра. Увосень за ўдзел у акцыі пратэсту ён атрымаў 9 сутак арышту. Але і потым не хаваў сваёй цвёрдай грамадзянскай пазіцыі наконт фальсіфікаваных выбараў, увесь час выступаючы ў сацыяльных сетках. Кажуць, што на стале дырэктара тэатра ляжалі ўсе скрыншоты пастоў артыста.

Журналісты «Народнай Волі» звярнуліся па каментар да дырэктара тэатра Эдуарда Іванавіча Герасімовіча:

— Я за яго змагаўся як мог: прапанаваў яму і пятае, і дваццатае — прыкладам, звальненне па пагадненні бакоў. Але Аляксандр вырашыў абраць шлях звальнення менавіта ў такой беспярэчнай форме — па артыкуле 47, за страту даверу з боку наймальніка. Пэўна што, гэта яму для нечага трэба.

— Скажыце, можа, вас прымусілі гэта зрабіць, Эдуард Іванавіч?

— Не правакуйце мяне, не трэба. Аляксандр сваімі дзеяннямі парушыў «Кодэкс гонару», прыняты ў тэатры. Ён заклікаў да адкрытага выступу супраць улады ў сацыяльных сетках. Увогуле, перабраў са сваімі паўнамоцтвамі.

— Кажуць, што цяпер у вас на стале цэлы спіс артыстаў на звальненне. Гэта так?

— Ну як з вамі гаварыць, калі вы ўсё ўжо ведаеце?.. Разумееце, вісіць загад аб атэстацыі калектыву. Атэстацыі! А вы пра «цэлы спіс» на звальненне… Бачыце, як няправільна вы трактуеце сітуацыю. Атэстацыя рэгулярна праходзіць кожныя тры гады. Прыйшоў час правесці яе і цяпер.

— Але Аляксандра Ждановіча звольнілі да атэстацыі?

— Вядома. Гэта было ўчора.

— Вам не здаецца, што «Кодэкс гонару», створаны адміністрацыяй Рускага тэатра ў вашай асобе, — гэта палітычна матываваны дакумент?

— Не здаецца. Там усе слушныя словы напісаны, і менавіта для таго, каб людзі працавалі ў дзяржаўнай установе. А пра прыватныя я зусім маўчу, там ніякага кодэкса не трэба: раз — і да спаткання, калі толькі парушана карпарацыйная этыка.

Чытайце таксама: 
Маляваныч: У пад'ездзе суседзі павесілі плакат, што ганарацца мной. А каля турмы сустракала траціна тэатра

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць