Свет

Марыупаль: як Расія сцірае з зямлі самы прарасійскі горад Украіны

Паводле самых аптымістычных ацэнак, у выніку развязанай Расіяй вайны загінулі тысячы мірных жыхароў гэтага горада. Рэальная ж колькасць ахвяр, паводле мясцовых чыноўнікаў, можа дасягаць дзясяткі тысяч. А што за горад Марыупаль і якія яны, марыупальцы? «Бандэраўцы і нацыяналісты»? Давайце пабачым.

Марыупаль. Снарад папаў у жылы дом. Фота: AP / Evgeniy Malaletka

Паводле апошняга праведзенага перапісу насельніцтва, 48,68% гараджан — этнічныя ўкраінцы, ажно 44,41% — рускія.

У горадзе абсалютна дамінуе руская мова. Гэта самы рускамоўны горад Данецкай вобласці. 89,53% роднай мовай назвалі рускую, толькі 9,87% — украінскую. Рэальна па-ўкраінску гаворыць яшчэ меншая колькасць людзей.

Але самае цікавае апытанне адносна самых розных актуальных палітычных, сацыяльных, грамадскіх і міжнародных пытанняў было ў Марыупалі ў верасні 2021 года. Яно паказала некалькі ашаламляльных рэчаў.

60% жыхароў Марыупаля адназначна супраць уступлення Украіны ў НАТА. Гэта самы высокі паказчык па ўсёй тэрыторыі Украіны, якая была пад кантролем урада станам на 24 лютага 2022 года.

52% ставіліся да Расіі цёпла альбо вельмі цёпла, негатыўна — толькі 16%.

48% выступаюць за ўступленне Украіны ў саюз з Расіяй і Беларуссю. У Еўрасаюз хацелі б толькі 22%.

41% ставіцца холадна і вельмі холадна да Амерыкі. Пазітыўна толькі 15%. Самы амерыканафобскі горад Украіны.

38% жыхароў гэтага горада хацелі б укалоцца расійскім «Спутнікам».

Варта адзначыць, што Марыупаль — адносна паспяховы горад да вайны 2022 года, які за апошнія гады стаў «вітрынай» Украіны на Усходзе, і дабіўся выдатных вынікаў у рэфармаванні розных сфер эканамічнага і сацыяльнага жыцця, істотна палепшыў сваю інфраструктуру.

Але нягледзячы на гэта, ён заставаўся самым прарасійскім вялікім горадам Украіны. Нашмат больш прарасійскім, чым Адэса ці Харкаў. Але гэта яго і ягоных жыхароў ніяк не ўратавала. Расійскія «звышдакладныя» ракеты не выбіраюць, каго яны забіваюць. Яны забіваюць аднолькава, як міфічных «бандэраўцаў», так і рускіх Марыупаля. І ў абсалютных паказчыках, рускіх і рускамоўных яны забіваюць нашмат больш.

Каментары

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

48‑гадовага аўтамаляра з Гарадка асудзілі да калоніі. Меркавана, за каментарыі ў падтрымку Украіны

Стваральнік Claude прыцягнуў рэкордныя 81,3 мільярда даляраў пры выхадзе на біржу

Уладзімір Мацкевіч: Пенсіі ў Літве ў мяне няма8

Кавалер збег са спаткання, не заплаціўшы за вячэру. Ці павінна дзяўчына аплачваць увесь рахунак?11

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку32

Трамп і Пуцін абмяркоўвалі вайну ва Украіне1

Інфапункты для беларусаў за мяжой створаць у Вільні, Варшаве і Познані. Колькі ў іх будзе супрацоўнікаў і хто стане плаціць заробкі?6

Украіна трэці раз з пачатку тыдня атакавала Крымскі мост1

Карціна Ван Гога прададзена з аўкцыёну за рэкордныя 190,4 мільёна даляраў2

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць