Свет

Кахоўскае вадасховішча больш не існуе, на яго месцы засталіся «лужыны»

Кахоўскае вадасховішча больш не існуе, на яго месцы засталіся «лужыны», заявіў «РІА Навіны» кіраўнік акупаванага Мелітопальскага раёна Запарожскай вобласці Андрэй Сігута.

Фота: «Мост» (Херсон)

Паводле слоў Сігуты, трохі вады ёсць у частцы вадаёма ў Херсонскай вобласці, дзе знаходзіцца вусце Паўночна-Крымскага канала.

«У нашым раёне, менавіта там, дзе асноўнае Кахоўскае вадасховішча, у раёне Васільеўкі, яго ўжо няма практычна», — сказаў кіраўнік раёна. Рэкі Дняпро і Конка вярнуліся ў ранейшыя рэчышчы.

Вада ў Паўночна-Крымскі канал больш не паступае, яна ўжо на метр ніжэйшая за ўзровень забору», — дадаў Сігута.

Інфармацыю Сігуты пацвярджаюць і ва Украінскай акадэміі навук. Там кажуць, што з агульнай плошчы Кахоўскага вадасховішча, якая 5 чэрвеня складала больш за 2 тысячы квадратных кіламетраў, засталося 261,1 км. Гэта складае 12,7% ад пачатковай плошчы вадаёма. Акрамя таго, адноўленае рэчышча Дняпра займае плошчу 120,9 квадратных кіламетра.

Таксама спецыялісты лічаць 24 чэрвеня датай пераходу ад асушкі Кахоўскага вадасховішча да пачатку аднаўлення прыроднага стану тэрыторыі. Аднак верагоднасць таго, што тэрыторыя цалкам адновіцца, вельмі малая.

«Гэта абумоўліваецца такімі фактарамі ўплыву, як сучасныя змены клімату, поўнае знішчэнне глебавага покрыва і памяншэнне сцёку (як следства падрыву Кахоўскай ГЭС), а таксама зарэгуляванне ракі Дняпро вышэй па цячэнні сістэмай вадасховішчаў, сажалак і каналаў», — кажуць навукоўцы.

Акрамя таго, асушванне прыводзіць да фарміравання негатыўных уздзеянняў і на якасць атмасфернага паветра найбліжэйшых тэрыторый.

З 20 чэрвеня, пасля асушэння часткі вадасховішча, тэрыторыя паступова стала новай крыніцай выкідаў аэразолю ў атмасфернае паветра, які паступае з прычыны ўзняцця пылу ветрам.

Дамба Кахоўскага вадасховішча была ўзарваная 6 чэрвеня. Украінцы абвінавацілі ў гэтым Расею. Масква настойвае на тым, што выбух ажыццявілі ўкраінцы.

Гарады і вёскі ніжэй па Дняпры затапіла поўнасцю або часткова, больш за 75 чалавек загінулі.

Каментары

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку32

Трамп і Пуцін абмяркоўвалі вайну ва Украіне1

Інфапункты для беларусаў за мяжой створаць у Вільні, Варшаве і Познані. Колькі ў іх будзе супрацоўнікаў і хто стане плаціць заробкі?6

Украіна трэці раз з пачатку тыдня атакавала Крымскі мост1

Карціна Ван Гога прададзена з аўкцыёну за рэкордныя 190,4 мільёна даляраў2

Як згуляць у GTA 6, калі жывеш у Беларусі2

З 1 студзеня днём рух грузавікоў па МКАД плануюць забараніць

Трамп і Пуцін сустрэліся на палях саміта АЦЭС3

У Афрыцы зазелянела пустыня — і прычына гэтаму не толькі змена клімату4

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць