Свет

Віцэ-прэм'ер Малдовы пра зварот Пуціна: Рызыкі, што ён абвесціць пра анексію Прыднястроўя або прызнае незалежнасць, няма

28 лютага ў Ціраспалі прайшоў «З'езд дэпутатаў усіх узроўняў», які звярнуўся па дапамогу да Расіі.

Герб непрызнанай «Прыднястроўскай малдаўскай рэспублікі (ПМР)» і расійска-прыднястроўскі вайсковы парад. Фоты: Wikimedia Commons. Калаж: «Наша Ніва»

Віцэ-прэм'ер Малдовы Алег Серабран дапускае, што 29 лютага ў штогадовым звароце да Федэральнага сходу прэзідэнт Расіі Уладзімір Пуцін згадае Прыднястроўскі рэгіён. Пры гэтым, на думку Серабрана, рызыкі, што Пуцін абвесціць аб анексіі Прыднястроўя або прызнае яго незалежнасць, няма, піша newsmaker.md.

«Не думаю, што ён скажа пра гэта. У любым выпадку, цалкам верагодна, што Уладзімір Пуцін згадае сярод іншага і Прыднястроўскі рэгіён. Цалкам верагодна, што ён згадае 200 тысяч расійскіх грамадзян у прыднястроўскім рэгіёне. Адзначу, што 90% жыхароў прыднястроўскага рэгіёну — грамадзяне Малдовы. Гэта вельмі важна. У прыднястроўскім рэгіёне, як і на ўсёй тэрыторыі Малдовы, дазволена мець некалькі грамадзянстваў. Шмат у каго ёсць украінскае грамадзянства, у тым ліку ў спадара Ігнацьева — міністра замежных спраў Прыднястроўя. Ёсць вельмі шмат грамадзян Расіі, Польшчы, Балгарыі, Румыніі. 

Вяртаючыся да звароту Пуціна, я не выключаю, што ён згадае, у прыватнасці, Прыднястроўскі рэгіён, пусціць слязу з-за пакут, якія нібыта адчуваюць жыхары гэтага рэгіёну. Але ў любым выпадку я не думаю, што ёсць шанец, што ён скажа, што Расійская Федэрацыя прымае Прыднястроўскі рэгіён або прызнае яго незалежнасць», — адказаў віцэ-прэм'ер.

28 лютага ў Ціраспалі прайшоў «З'езд дэпутатаў усіх узроўняў». Па выніках з'езда дэпутаты прынялі рэзалюцыю. У ёй гаворыцца, што Малдова развязала супраць Прыднястроўя «эканамічную вайну». Гаворка ідзе аб прынятых папраўках у Мытны кодэкс Малдовы, якія ўступілі ў сілу 1 студзеня 2024 года. Згодна з імі, Кішынёў скасаваў мытныя льготы для прыднястроўскіх прадпрыемстваў. У рэзалюцыі згаданы і закон «Аб сепаратызме», прыняты парламентам Малдовы ў студзені 2023 года. Як заявілі дэлегаты з'езда, згодна з гэтым законам, пакараць могуць любога жыхара Прыднястроўя (каму насамрэч пагражаюць новыя артыкулы КК Малдовы аб сепаратызме).

У Бюро рэінтэграцыі Малдовы заявілі, што адкідаюць прапагандысцкія заявы Ціраспаля і падкрэслілі, што прыднястроўскаму рэгіёну выгадная палітыка міру, бяспекі і эканамічнай інтэграцыі з ЕС.

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць