Грамадства

Беларусам рэкамендуюць перасякаць мяжу з Польшчай па новай схеме

Час чакання на мяжы перавышае суткі. Але ёсць лайфхак.

Фота: граніца.BY

Чэргі аўтобусаў на беларуска-польскай мяжы растуць. Паводле звестак Памежнага камітэта Беларусі, увечары 10 красавіка выезду ў Польшчу адначасова чакае 40—50 аўтобусаў.

Па звестках відавочцаў, час чакання на мяжы перавышае суткі, а перавозчыкі пераносяць або адмяняюць многія рэйсы: транспарт проста не паспявае вярнуцца з папярэдняга маршруту. Таму турысты раяць не купляць квіткі на рэйсы з беларускіх гарадоў у Польшчу, а перасякаць мяжу па іншай схеме, піша mostmedia.io.

Адразу некалькі карыстальнікаў прыгранічных чатаў напісалі,

што жыхарам Мінска, Гродна і іншых гарадоў зараз больш выгадна купіць білет на цягнік да Брэста, а там узяць таксі да мяжы і пешшу ісці шукаць месцы ў аўтобусах наперадзе. Як правіла, яны ёсць, і кіроўцы за плату каля 100 рублёў згаджаюцца браць на борт.

— Не будзе месцаў у першых [аўтобусах], будзе крыху далей, але сродкі зэканоміце, — напісаў адзін з удзельнікаў чата Граніца.by.

Звычайна такім чынам можна даехаць да Варшавы, а адтуль пры неабходнасці дабірацца да патрэбнага польскага горада. Можна даехаць і да Тарэспаля, гэта значыць выйсці проста за мяжой. У аднаго з карыстальнікаў чата за гэта папрасілі 35 рублёў. Да Варшавы ад мяжы яму прапаноўвалі даехаць за 120 рублёў, да Гданьска — за 150.

Калі ж купіць білет на міжнародны аўтобус, то на мяжы трэба будзе вырашыць: стаяць 25 гадзін альбо шукаць месцы на рэйсах, якія знаходзяцца наперадзе чаргі.

Пры другім варыянце кіроўцы не вяртаюць грошы за квіток, таму фактычна турыстам даводзіцца плаціць двойчы. Па падліках удзельнікаў чата, білет на цягнік, таксі і аплата кіроўцу на мяжы абыходзяцца значна танней.

Акрамя таго, можна загадзя пацікавіцца ў перавозчыка, ці перасаджвае ён пасажыраў бясплатна ў свой жа, які стаіць ля мяжы, аўтобус. Некаторыя кампаніі запускалі такія схемы, каб скараціць час у дарозе для сваіх кліентаў.

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць