Грамадства55

«Няўжо мы, вернікі Беларусі, заслужылі такое пакаранне?» Парафія зачыненага Чырвонага касцёла звярнулася да Наталлі Пяткевіч

Камітэт парафіі Святога Сымона і Святой Алены (Чырвоны касцёл) у Мінску 11 ліпеня апублікаваў адкрыты ліст да нядаўна прызначанай першай намесніцы кіраўніка Адміністрацыі Наталлі Пяткевіч. Яны просяць чыноўніцу дапамагчы вярнуць храм.

У лісце, напісаным на рускай мове, каталікі, распавядаюць чыноўніцы аб сітуацыі з Чырвоным касцёлам, які зачынены ўжо амаль два гады «на падставе рамонту храма, які не патрабуе яго і не пацярпеў ад узгарання», а аднаўленчыя работы ў прыбудове, дзе было ўзгаранне, да гэтага часу не вядуцца:

«Мы, вернікі, адукаваныя людзі — усё разумеем! Але нам крыўдна і балюча назіраць, як у гістарычным шматпакутным Доме Божым няма набажэнстваў, малітваў. Няўжо мы, вернікі Беларусі, заслужылі такое пакаранне? Хіба вы чулі калі-небудзь недружалюбныя выказванні ад вернікаў на адрас дзяржавы?»

Паведамляецца, што касцёл прыходзіць у заняпад, адзначаюць у парафіі. Архітэктурны шэдэўр, візітоўка сталіцы не праветрываецца ўвесь гэты час. Таму адтуль чутны пах рэчаў, якія псуюцца. На цокальным паверсе быў прарыў вадаправода — ідзе пах гнілі, піша katolik.life.

Акрамя таго, абсыпалася тынкоўка на столі і сценах, гніюць фіранкі, дываны, псуюцца кнігі ў бібліятэцы (каля 60 тысяч), іконы, карціны, невядома ў якім стане дарагі арган.

***

У канцы верасня гэтага года споўніцца два гады, як касцёл святых Сымона і Алены закрыты ўладамі. Храм адключаны ад камунікацый, парафію прымусілі забраць сваю маёмасць.

Каментары5

  • Ёсік
    12.07.2024
    Сьмешна чытаць гэтую пісаніну. Толькі дырэктар саўгаса тутака ўсім кіруе - адбірае, зьбівае, саджае, арыштоўвае, аддае газады на фізічнае зьнішчэньне. Няўжо шчэ не зразумелі, што ўсялякія Натальлі толькі для дэкарацыі, як тая рыдлёўка на сцэне тэатра. Яму пішыце, устаньце на калені, пакланіцеся, скажыце, што заблукалі ў 2020, толькі ён можа быць кіраўніком, а вы ўсе авечкі, якія заблукалі ў цемры.
  • Нейкі сюр
    12.07.2024
    Як чалабітную падаеце, халопы?!
  • У поле, ў хлявы ідзіце маліцца, калі вернікі
    12.07.2024
    Каталіцтва мізарнее

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал11

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Карціна Ван Гога прададзена з аўкцыёну за рэкордныя 190,4 мільёна даляраў2

Як згуляць у GTA 6, калі жывеш у Беларусі2

З 1 студзеня днём рух грузавікоў па МКАД плануюць забараніць

Трамп і Пуцін сустрэліся на палях саміта АЦЭС3

У Афрыцы зазелянела пустыня — і прычына гэтаму не толькі змена клімату4

У жаночых прыбіральнях Кітая з'яўляюцца пісуары. Навошта?1

Спявачка з Беларусі трапіла ў скандал у ЗША. Вінаваціць прафесара Калумбійскага ўніверсітэта ў згвалтаванні, а ён яе — у пераследзе сям'і13

Беларус расказаў, як правозіў ката самалётам з перасадкамі

На брэсцкім вакзале заўважылі апарат з «цублямі» замест рублёў1

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал11

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць