Свет22

Суд у Расіі спыніў справу супраць музея аб прапагандзе нацызму за лозунг «Жыве Беларусь!»

Гісторыя з лозунгам, які напісалі на сцяне музея «Эрарта», цягнулася пару месяцаў. Абарона сцвярджала, што ўспрымаць «Жыве Беларусь» негатыўна можна толькі ў адным выпадку.

«Фестываль» Сяргея Грыневіча

Суд Санкт-Пецярбурга спыніў справу аб «прапагандзе або публічным дэманстраванні нацысцкай атрыбутыкі або сімволікі» супраць мясцовага музея «Эрарта».

У сярэдзіне ліпеня на музей склалі адміністрацыйны пратакол за графіці «Жыве Беларусь!» пад карцінай «Фестываль» вядомага беларускага мастака Сяргея Грыневіча. 

Згодна з пратаколам, надпіс знайшлі на чацвёртым паверсе музея ў пачатку чэрвеня. Музей, паводле версіі следства, арганізаваў такім чынам «публічнае дэманстраванне нацысцкай атрыбутыкі ці сімволікі», піша «Коммерсантъ».

Эксперты Санкт-Пецярбургскага дзяржуніверсітэта заявілі, што фраза «Жыве Беларусь!» з'яўляецца сімвалам 13-га Беларускага паліцэйскага батальёна пры СД і 30-й грэнадзёрскай дывізіі Вафен-СС і прыраўнялі яе да нацысцкага прывітання.

На пасяджэнні суда адвакат музея заявіў, што графіці нанёс на сцяну невядомы наведвальнік. Ён таксама патлумачыў, што лозунг «Жыве Беларусь!» можа ўспрымацца негатыўна толькі пры выкананні адной абавязковай умовы — ускідванні правай рукі ўверх у нацысцкім прывітанні. 

«Як высветлілася падчас правядзення праверкі, надпіс можа тлумачыцца неадназначна і негатыўна. Таксама з пратакола вынікае, што аб негатыўным сэнсе фразы можна казаць толькі, калі яе ўсклікаюць з паднятай правай рукой. Дадзеных фактаў устаноўлена не было», — заявіў юрыст.

Відавочна, адвакат спаслаўся на рашэнне беларускіх уладаў, якія ўключылі лозунг «Жыве Беларусь!», які суправаджаецца ўзняццем правай рукі з распрастанай далонню, у пералік нацысцкай сімволікі.

Расійскі суд у выніку спыніў справу ў сувязі з заканчэннем тэрміну даўнасці прыцягнення да адміністрацыйнай адказнасці.

Паводле фатаграфій з сацыяльных сетак, карціна размешчана ў музеі ўжо не першы год, а фраза «Жыве Беларусь!» была пакінута пад ёй яшчэ восенню 2020 года.

Каментары2

  • зачем пачкаться ?
    23.08.2024
    Русские не захотели пачкаться в лукашенковском абсурде.
    Тем более, что лукашенко сам пересадит всех, кто хочет, чтобы Беларусь Жила Вечно !
  • Танчик
    23.08.2024
    Всего-то стоило ввести танк в Курскую область!

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць