Культура11

Праваслаўны прыход у Слоніме пакараюць за незаконна перамаляваны храм XVII стагоддзя

Новы ярка-зялёны колер Свята-Троіцкай царквы, у які яе памалявалі ў жніўні гэтага года, не спадабаўся нават чыноўнікам. З залатымі цыбулінамі, відаць, таксама давядзецца развітацца.

Троіцкая царква ў Слоніме пафарбаваная ў ярка-зялёны колер. Фота: тэлеграм-канал «Спадчына»

Адказ Слонімскага райвыканкама наконт законнасці работ на помніку архітэктуры апублікаваў тэлеграм-канал «Спадчына».

Чыноўнікі паведамляюць, што супраць прыхода храма Святой Жываначальнай Тройцы ў Слоніме распачаты разгляд адміністрацый справы за парушэнне заканадаўства ў сферы аховы гісторыка-культурных каштоўнасцей.

Перамалёўка Троіцкай царквы ў ярка-зялёны колер у жніўні 2024 года. Фота: тэлеграм-канал «Спадчына»

Нагадаем, што ўлетку Свята-Троіцкая царква, пабудаваная як касцёл пры кляштары бернардзінцаў у сярэдзіне XVII стагоддзя, нечакана была перамаляваная ў ярка-зялёны колер, якога, як адзначаюць спецыялісты, гістарычна не магло быць на помніку рэнесансу праз адсутнасць устойлівых пігментаў.

Гісторыя незаконных перабудоў гэтай гісторыка-культурнай каштоўнасці цягнецца ўжо амаль дзесяцігоддзе. У 2015 годзе святар самавольна зняў купалы, пастаўленыя за некалькі гадоў таму па праекце рэстаўратараў, і замяніў іх на велізарныя цыбуліны з залацістага нітрыду тытану. Тады прыход ужо быў прыцягнуты да адказнасці за парушэнні закону.

Замена купала царквы на велізарную цыбуліну. 2015 год. Фота: Gs.by

Але цыбуліны дагэтуль застаюцца на храме, скажаючы яго аўтэнтычны выгляд. Як адзначаецца ў адказе райвыканкама, яшчэ ў 2020 годзе навуковым кіраўніком на аб'екце была вызначана Наталля Голасава з праектнага філіяла «Белрэстаўрацыі», якая мусіла правесці навукова-даследчыя работы і ўзгадніць замену купалоў з Міністэрствам культуры. Але работа была прыпынена з-за адсутнасці ў прыходзе фінансавых сродкаў.

Пасля выяўленага цяпер чарговага парушэння на помніку архітэктуры работы па распрацоўцы і ўзгадненні навукова абгрунтаваных купалаў будуць працягнуты, запэўніваюць чыноўнікі. Ёсць шанец, што ў хуткім часе рэнесансны храм перастане быць адным з найгоршых прыкладаў царкоўнай антырэстаўрацыі ў краіне.

«Наша Нiва» — бастыён беларушчыны

ПАДТРЫМАЦЬ

Каментары1

  • Сівы
    22.10.2024
    Няхай яшчэ ў Новы Свержань заглянуць, там яшчэ ёсць адзін, каго можна пакараць за здзек з гістарычна-культурнай спадчыны.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць