Грамадства77

Мінчук вырошчваў у кватэры каноплі, каб лячыцца ад болю ў суставах

У суд накіравалі крымінальную справу супраць 35‑гадовага жыхара Мінска, які вырасціў у сваёй кватэры два кусты канопляў і захоўваў марыхуану, піша агенцтва «Мінск-Навіны».

Здымак ілюстрацыйны. Фота: pixabay.com

Мужчына жыў адзін у кватэры на вуліцы Максіма Гарэцкага. Паводле матэрыялаў справы, доўгі час ён цярпеў ад боляў у суставах. На адным з інтэрнэт-сайтаў прачытаў, што палегчыць боль можа марыхуана. Пасля гэтага ён пачаў вывучаць, як вырошчваць расліны роду Cannabis у хатніх умовах.

У шафе ў пярэднім пакоі мінчук зрабіў так званы гроўбокс — спецыяльную канструкцыю для вырошчвання раслін. Ён абсталяваў яе асвятленнем, вентыляцыяй і прыборамі для кантролю тэмпературы. Усё неабходнае купіў праз маркетплэйс. Насенне канопляў у яго ўжо было — паводле яго слоў, нехта перадаў яго на адным з рок-фестываляў.

Мужчына пасадзіў два зярняткі, якія пазней прараслі. Ён даглядаў расліны, пасля зразаў лісце, сушыў яго і здрабняў, атрымліваючы марыхуану.

Праз некаторы час у кватэру прыйшлі супрацоўнікі наркакантролю. Яны канфіскавалі расліны, гроўбокс, прыстасаванні для курэння, а таксама знайшлі ў кухоннай шафе ёмістасць з 5,93 грама гатовай да ўжывання марыхуаны.

Мужчыну затрымалі і завялі крымінальную справу.

Паводле пракуратуры, ён халасты, працуе таваразнаўцам у прыватнай кампаніі і раней не быў судзімы. Яму выстаўленыя абвінавачанні ў незаконным абароце наркатычных сродкаў, а таксама ў незаконным пасеве і вырошчванні раслін, якія ўтрымліваюць наркатычныя рэчывы.

Сваю віну мінчанін цалкам прызнаў. У дачыненні да яго абраная мера стрымання ў выглядзе асабістага паручальніцтва.

Каментары7

  • Indrid Cold
    03.05.2026
    пытаннечка, усе ведаюць што наркапатокі ў Беларусі належаць да Сям'і і што канкурэнцыя на гэтым рынку ім не патрэбная.
  • Юзік
    03.05.2026
    Злавілі тэрарыста-наркамана. Горад можа спаць спакойна
  • Восік
    03.05.2026
    ...незаконным абароце...

    А яго што, злавілі падчас продажу?..

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць