Грамадства99

Беларусь увайшла ў спіс краін свету з самай нізкай нараджальнасцю

Папулярны рэсурс Visual Capitalist, абапіраючыся на свежыя даныя ААН, апублікаваў маштабнае даследаванне нараджальнасці ва ўсім свеце.

Ілюстрацыйнае фота з сацыяльных сетак

Як адзначаюць аўтары, сёння каля 71% насельніцтва свету пражывае ў краінах, дзе каэфіцыент фертыльнасці ніжэйшы за ўзровень замяшчэння (2,1 дзіцяці на жанчыну). Гэта той мінімум, які неабходны для падтрымання колькасці насельніцтва без уліку міграцыі. Калі паказчык доўга трымаецца ніжэй за гэтую адметку, краіну чакае старэнне насельніцтва, дэфіцыт працоўных рэсурсаў і запаволенне эканомікі.

Даследаванне Visual Capitalist грунтуецца на даных ААН з абноўленай справаздачы World Population Prospects 2024. Пры падліках выкарыстоўваліся сярэднія прагнозныя паказчыкі на 2025 год як па колькасці насельніцтва, так і па ўзроўні нараджальнасці.

Гэтыя звесткі выяўляюць глыбокі разрыў паміж рэгіёнамі свету, які фактычна падзяліўся на два дэмаграфічныя полюсы. З аднаго боку — Еўропа, Паўночная Амерыка і Усходняя Азія, якія няўхільна старэюць. Сёння нават такія гіганты, як Індыя (1,94) і ЗША (1,62), ужо не забяспечваюць нават простага ўзнаўлення свайго насельніцтва.

У поўнай супрацьлегласці ім знаходзіцца Афрыка на поўдзень ад Сахары. Менавіта гэты рэгіён стане галоўным рухавіком сусветнага прыросту аж да 2100 года. У той час як развітыя краіны змагаюцца з дэмаграфічным крызісам, у такіх дзяржавах, як Чад ці Самалі, нараджальнасць усё яшчэ застаецца на звычайна высокім узроўні — каля 6 дзяцей на адну жанчыну.

Дзе знаходзіцца Беларусь?

Беларусь уваходзіць у топ-20 краін з самай нізкай нараджальнасцю. Нізкі ўзровень фертыльнасці ў Беларусі адлюстроўвае агульнаеўрапейскі трэнд, але ў спалучэнні з іншымі дэмаграфічнымі фактарамі гэта стварае сур'ёзныя выклікі для будучыні дзяржавы.

Для параўнання, самыя нізкія паказчыкі ў свеце зафіксаваныя ў: Макаа (0,69), Ганконгу (0,74) і Паўднёвай Карэі (0,75).

Беларусь у спісе з паказчыкам 1,22. Падобны ўзровень фертыльнасці ў Італіі (1,21), ААЭ (1,21), Маўрыкіі (1,21), Літве (1,22), Японіі (1,23) і Іспаніі (1,23).

Топ-25 краін з самым нізкім паказчыкам нараджальнасці. Крыніца: visualcapitalist.com

Варта адзначыць, што лічбы беларускіх навукоўцаў яшчэ менш аптымістычныя. Летась дырэктарка Цэнтра чалавечага развіцця і дэмаграфіі НАН Беларусі Наталля Якубіцкая прыводзіла больш трывожныя звесткі: сумарны каэфіцыент нараджальнасці па краіне склаў 1,1, а ў Мінску апусціўся да крытычных 0,6.

Калі глядзець па гэтым паказчыку, то Беларусь будзе ў топ-10 краін з самай нізкай нараджальнасцю.

Каментары9

  • Алла
    18.05.2026
    Забыли подпись на плакате "Аленка, спасибо за богатыря" - "у меня 3 %"
  • А што такое?
    18.05.2026
    Здавалася б, прычым тут суседняя навіна пра чарговыя рэды губазікаўцаў🤔
  • Ў
    18.05.2026
    Так же как у всех, Плюс туды яшчэ паўміліёна збегла з вашага ябацькавага канцлагеру плюс смяротасць ад кароны ў Беларусі была ў два-тры разы болей чым там.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць