Свет44

Міністр абароны ЗША: Мы хочам, каб Украіна магла абараніць сябе

Міністр абароны ЗША Піт Хегсэт заявіў, што Злучаныя Штаты імкнуцца дапамагчы Украіне абараняцца ад расійскіх пагроз і знойдуць спосаб аказваць ёй падтрымку. Пра гэта ён сказаў на палях Азіяцкага саміту па пытаннях бяспекі ў Сінгапуры, піша «Еўрапейская праўда».

Піт Хегсэт. Фота: Anna Moneymaker / Getty Images

Журналісты спыталі шэфа Пентагона пра нядаўні ліст прэзідэнта Украіны Уладзіміра Зеленскага адносна нястачы сродкаў супрацьпаветранай абароны на фоне ўзмацнення расійскіх атак.

На гэта Хегсэт адказаў, што ЗША шукаюць магчымасці дапамагчы Украіне там, дзе гэта магчыма.

«Мы змяняем спосаб вытворчасці ўсіх гэтых відаў важнай амуніцыі, каб гарантаваць, што нашы кампаніі пастаўляюць не проста трохі больш, а значна больш ва ўсім спектры. Дзе мы можам дапамагчы Украіне — мы гэта робім, дзе мы можам даць магчымасць Еўропе зрабіць больш — мы гэта робім», — адказаў чыноўнік.

Ён таксама адзначыў актыўнасць еўрапейскіх саюзнікаў, якія ўзмацнілі сваю падтрымку Украіны.

«Мяне натхняе еўрапейская адданасць справе. Калі паглядзець на суму выдаткаваных сродкаў, то Еўропа актывізавалася, а Украіна была не менш, а то і больш эфектыўнай у гэтым працэсе. Таму мы хочам, каб яны маглі абараняцца, і мы знойдзем спосаб забяспечыць ім дапамогу», — заявіў Хегсэт.

Раней у лісце да прэзідэнта ЗША Дональда Трампа і амерыканскіх кангрэсменаў Уладзімір Зеленскі заявіў, што Украіна «спадзяецца амаль выключна на ЗША» ў пытанні абароны ад расійскіх балістычных ракет.

Ён таксама праінфармаваў, што ў ходзе масаванай атакі 24 мая Расія прымяніла дзве балістычныя ракеты сярэдняй далёкасці «Арэшнік».

Сенатар ад Дэмакратычнай партыі Рычард Блюменталь пасля таго заявіў, што ЗША адрэагуюць на ліст прэзідэнта Украіны, у якім гаварылася пра дэфіцыт сродкаў СПА.

Каментары4

  • Bielarus
    30.05.2026
    ніхто гэтым Будапэшцкім гідрантам ня верыць, асабліва ў пэрыяд разьвітога застойнага трампізму
  • Андрусь
    30.05.2026
    Трамп вісіць на кампрамаце ў Пуціна
  • Ян4а
    30.05.2026
    Усё ідзе да таго, што Украіна пры дапамозе дэмакратычнага свету за выключэннем ЗША сапраўды абароніць сабе. Але ўзнікае пытанне, навошта тады свету патрэбныя ЗША? Гегемонія Амерыкі - гэта вуліца з двухбаковым рухам. Амерыка друкуе даляры, каб пакрыць дэфіцыт бюджэту, вы прадаеце тавары Амерыцы за даляры, на іх купляеце амерыканскі дзярждоўг альбо іншыя актывы ў далярах, што ўтрымлівае стаўкі ФРС і інфляцыю на мінімальных узроўнях, а Амерыка ўзамен выконвае ролю сусветнага паліцыянта. І вось з'яўляецца Трамп, які пачынае біць па хаўрусніках Амерыкі і ўсё падае. У выніку свет пачынае шукаць альтэрнатывы ўсяму амерыканскаму, а самаізаляваная Амерыка пачынае цярпець неўяўляльныя раней паразы ад краін кшталту Ірана.

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

48‑гадовага аўтамаляра з Гарадка асудзілі да калоніі. Меркавана, за каментарыі ў падтрымку Украіны1

Стваральнік Claude прыцягнуў рэкордныя 81,3 мільярда даляраў пры выхадзе на біржу

Уладзімір Мацкевіч: Пенсіі ў Літве ў мяне няма8

Кавалер збег са спаткання, не заплаціўшы за вячэру. Ці павінна дзяўчына аплачваць увесь рахунак?12

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку32

Трамп і Пуцін абмяркоўвалі вайну ва Украіне1

Інфапункты для беларусаў за мяжой створаць у Вільні, Варшаве і Познані. Колькі ў іх будзе супрацоўнікаў і хто стане плаціць заробкі?6

Украіна трэці раз з пачатку тыдня атакавала Крымскі мост1

Карціна Ван Гога прададзена з аўкцыёну за рэкордныя 190,4 мільёна даляраў2

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць