Здарэнні1414

71‑гадовы бягун працягнуў шпіца па зямлі падчас забегу. Да мужчыны прыйшла міліцыя

Відэа выклікала абурэнне ў сацыяльных сетках. Цяпер міліцыя праводзіць праверку.

Інцыдэнт адбыўся 5 верасня падчас спаборніцтваў «Хуткія лапкі», якія праходзілі перад Мінскім паўмарафонам. Паводле ўмоў мерапрыемства, гаспадар і сабака мусілі разам прабегчы 100 метраў.

Аднак пасля стартавага сігналу 71‑гадовы ўдзельнік пабег, а перапалоханы шпіц застаўся на месцы. Мужчына працягнуў сабаку на павадку па пакрыцці некалькі дзясяткаў метраў — здавалася, сабака не дакранаўся зямлі.

Відэа спачатку апублікавалі ў інстаграм-акаўнце Мінскага паўмарафону як жартоўнае. Пасля ж абурэння ў каментарыях публікацыю выдалілі, але запіс ужо разышоўся па сацыяльных сетках.

Міліцыя знайшла гаспадара сабакі і ўзяла ў яго тлумачэнні. Мужчына запэўніў, што шпіц не атрымаў траўмаў, добра есць і застаецца бадзёры. Ён патлумачыў здарэнне так: шпіц спалохаўся рэзкага стартавага сігналу і не пабег, а сам мужчына не заўважыў, што сабака не хоча бегчы.

«Я ўжо пабег, а ён застаўся ззаду. Я проста не бачыў, што ён не вельмі хоча бегчы, тармазіць. Але гэта было толькі ў першай палове дыстанцыі. Другую палову ён ужо зразумеў, што ад яго патрабуецца, і пабег за мной», — сказаў бягун.

Ці будзе пакараны мужчына за жорсткае абыходжанне з жывёлай, міліцыя не паведаміла.

Каментары14

  • Янка
    08.09.2026
    Нейкае сумнеўнае мерапрыемства пад патранатам падсканцыйнага Белаграпрамбанку атрымалася: удзельнік памёр, над сабакам здзекваліся...
  • Імя
    08.09.2026
    Дзядзька свайго сабаку ж бачыў, павінен быў разумець, што з такімі лапамі максімум на канапу ўскочыць, і то не на любую. Пабег ён... хочаш бегаць з сабакам - вазьмі сабе нармальнага, а не гэтую аздобу стала, даруй Божа.
  • Арбітар
    08.09.2026
    Гульнявы момант. Не першы ж разам бегаюць. І шпіц ехаў і не енчыў, а гэта табе не ў скрынцы катацца.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць