Свет1010

Перамога дэмакратаў у ЗША напалохала інвестараў у ШІ. Фірмы на біржы Nasdaq страцілі 2,5 трыльёна, кампаніі Маска — 300 мільярдаў

На наступны дзень пасля перамогі Дэмакратычнай партыі на выбарах у Кангрэс ЗША цэны акцый высокатэхналагічных фірмаў на біржах ЗША і Азіі абрынуліся на трыльёны даляраў. Інвестары асцерагаюцца, што дэмакраты ўзмоцняць кантроль над развіццём штучнага інтэлекту і затармозяць яго, піша Бі-бі-сі.

Фота: Michael Nagle/Bloomberg via Getty Images

Індэкс Nasdaq composite у чацвер знізіўся на 5,52%. Гэта, па падліках Dow Jones data, азначае, што ўключаныя ў яго акцыі кампаній высокіх тэхналогій сумарна страцілі ў цане каля 2,5 трыльёна даляраў.

Страхі з-за перамогі дэмакратаў наклаліся на агульныя асцярогі інвестараў, што велізарныя сродкі, укладзеныя ў ШІ, могуць і не акупіцца. Індэкс Nasdaq з-за гэтых асцярог зніжаецца ўжо месяц.

«Уол-стрыт накрыла новая паніка з нагоды гандлю акцыямі ШІ-кампаній, — сказала галоўны спецыяліст па інвестыцыйных стратэгіях фірмы Wealth Club Сюзанна Стрытэр. — Да страхаў, што аддача ад велізарных сум, выдаткаваных на інфраструктуру ШІ, можа аказацца не такой, на якую разлічвалі інвестары, цяпер дадалася перспектыва рэзкага запаволення тэмпаў будаўніцтва дата-цэнтраў».

Кампаніі Маска — у мінусе на 300 мільярдаў

Гэтая паніка ўдарыла перш за ўсё па кампаніях, цесна звязаных з будаўніцтвам дата-цэнтраў для ШІ — вытворцам чыпаў і паўправаднікоў.

Акцыі Nvidia ўпалі больш чым на 9%, у выніку чаго кампанія патаннела на 400 мільярдаў долараў. Іншыя вытворцы чыпаў пацярпелі яшчэ больш: акцыі AMD і Micron упалі больш чым на 17%, акцыі Intel — на 10,3%.

Акцыі кампаній Ілана Маска SpaceX і Tesla таксама ўпалі — на 8% і амаль 11% адпаведна — і іх кошт рухнуў на 300 мільярдаў.

Ілан Маск выдаткаваў на перадвыбарчую кампанію рэспубліканцаў, якая скончылася правалам, амаль 450 млн даляраў, уключаючы 45 мільёнаў на кампанію кандыдата ў сенатары ад Тэхаса Кена Пэкстана. Традыцыйна рэспубліканскі Тэхас абраў дэмакратаў.

Іншыя амерыканскія біржавыя індэксы ў чацвер таксама знізіліся: Dow Jones Industrial Average страціў 3,4%, S&P 500 — 4,4%.

Азія таксама падае

У Азіі індэксы, якія ўключаюць кампаніі высокіх тэхналогій, страцілі яшчэ больш, чым амерыканскія.

Паўднёвакарэйскі індэкс Kospi ў пачатку таргоў раніцай у пятніцу абваліўся на 8,5%, з-за чаго біржа прыпыніла таргі, каб утаймаваць паніку. Акцыі вытворцы чыпаў SK Hynix упалі на 11,5%, акцыі Samsung — амаль на 10%.

Японскі Nikkei 225 у пачатку таргоў у пятніцу знізіўся амаль на 6%, уключаныя ў яго акцыі вытворцаў чыпаў Kioxia і Tokyo Electron страцілі ў цане 12,6% і 9,5%.

Многія кандыдаты ад Дэмакратычнай партыі падчас перадвыбарчай кампаніі абяцалі затармазіць будаўніцтва дата-цэнтраў і развіццё ШІ. На іх думку, гэтая галіна развіваецца занадта хутка і бескантрольна.

Так, напрыклад, абраная губернатарам Тэхаса Джына Інахоса абяцала абвясціць мараторый на будаўніцтва новых дата-цэнтраў.

Цяпер, атрымаўшы большасць у абедзвюх палатах Кангрэса і такія высокія пасады, як тая, што зойме Інахоса, дэмакраты цалкам могуць выканаць свае абяцанні.

Каментары10

  • кстати
    06.11.2026
    И это косвенно подтверждает огромную коррупционную составляющую ии пузыря
  • Ну
    06.11.2026
    Цудоўная навіна! Добра, што да ўлады, хай і часткова, ўрэшце прыйшлі людзі, ў каторых не толькі здзелкі ў галовах
  • Поцык
    06.11.2026
    Жыгуль , вот-вот. Искусственный интеллект хоть что-то полезное для человечества сделал, или только для некоторого бизнеса польза была?

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал11

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Карціна Ван Гога прададзена з аўкцыёну за рэкордныя 190,4 мільёна даляраў2

Як згуляць у GTA 6, калі жывеш у Беларусі2

З 1 студзеня днём рух грузавікоў па МКАД плануюць забараніць

Трамп і Пуцін сустрэліся на палях саміта АЦЭС3

У Афрыцы зазелянела пустыня — і прычына гэтаму не толькі змена клімату4

У жаночых прыбіральнях Кітая з'яўляюцца пісуары. Навошта?1

Спявачка з Беларусі трапіла ў скандал у ЗША. Вінаваціць прафесара Калумбійскага ўніверсітэта ў згвалтаванні, а ён яе — у пераследзе сям'і13

Беларус расказаў, як правозіў ката самалётам з перасадкамі

На брэсцкім вакзале заўважылі апарат з «цублямі» замест рублёў1

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал11

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць