Грамадства22

Затрымалі яшчэ двух беларусаў, якія прыехалі на радзіму з Польшчы

Zerkalo.io са спасылкай на праваабаронцаў і карыстальнікаў сацсетак паведамляе пра затрыманне двух беларусаў, якія некалькі гадоў жывуць у Польшчы і дапамагаюць суайчыннікам, якія там апынуліся. Абодва нядаўна прыехалі на радзіму ў госці да сваякоў.

Барыс Элькін. Фота: «Віцебская вясна»

Адзін з затрыманых беларусаў — прадпрымальнік з Віцебска Барыс Элькін, які займаецца будаўнічым бізнэсам у Польшчы і час ад часу прыязджаў на радзіму да сваякоў.

1 жніўня яго затрымалі ў Віцебску, а ў доме правялі ператрус. Прычыны затрыманьня дакладна не вядомыя, паведамляе «Віцебская вясна».

У 2004 годзе ў Віцебску прадпрымальнікі ўчынілі галадоўку супраць створаных мясцовымі ўладамі перашкодаў для гандлю, Барыс Элькін быў адным з яе арганізатараў. Пасля 2010 года ён пераехаў у Польшчу і стаў сузаснавальнікам кампаніі Bel.Pol.Bud.spzoo, якая наймае на працу беларусаў і дапамагае ўцекачам з Украіны.

Паводле інфармацыі крыніц «Віцебскай вясны», бізнэсмена маглі затрымаць за фотаздымкі з беларускай нацыянальнай сімволікай у сацсетках, якія кваліфікуюцца сілавікамі як несанкцыянаваны пікет.

Другі беларус, Раман Галуза, родам з Жабінкі, жыў у Польшчы апошнія 9 гадоў. 19 ліпеня ён прыехаў на радзіму і знік: пра яго месцазнаходжанне нічога не было вядома, а пошукава-ратавальны атрад «Юго-Запад» у сацсетках аб’явіў яго пошук.

2 жніўня ў акаўнтах пашукавікоў з'явілася інфармацыя, што Галуза жывы і яго месцазнаходжанне ўстаноўленае — без якіх-небудзь падрабязнасцяў.

А адзін з беларускіх блогераў, які жыве у Польшчы, расказаў у Instagram, што Раман знаходзіцца ў СІЗА КДБ.

У Польшчы Галуза скончыў універсітэт, атрымаў грамадзянства, займаўся валанцёрствам — у тым ліку дапамагаў беларускім уцекачам. Пасля 19 ліпеня, калі ён перасек польска-беларускую мяжу, высветліць нешта пра яго лёс не ўдавалася — не дапамагла нават напісаная бабуляй заява ў міліцыю.

Па словах аўтара публікацыі ў Instagram, затрыманне Рамана магло быць загадзя спланаванае беларускімі сілавікамі.

Каментары2

  • бел
    03.08.2022
    Бяруць усіх падрад, хто вяртаецца з-за мяжы? У Беларусі і так нармальнага народу нямнога, бо з алкаголікаў няма чаго ўзяць. 
  • Полк
    03.08.2022
    Расейска-фашысцкая акупацыя i тэрор ва ўмовах вайны рэч неабходная каб трымаць насельнiкаў у канцлагеры. Iдзе вайна. Супраць беларусаў. На якую ужо трэба пачаць адказваць

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Інфапункты для беларусаў за мяжой створаць у Вільні, Варшаве і Познані. Колькі ў іх будзе супрацоўнікаў і хто стане плаціць заробкі?6

Украіна трэці раз з пачатку тыдня атакавала Крымскі мост1

Карціна Ван Гога прададзена з аўкцыёну за рэкордныя 190,4 мільёна даляраў2

Як згуляць у GTA 6, калі жывеш у Беларусі2

З 1 студзеня днём рух грузавікоў па МКАД плануюць забараніць

Трамп і Пуцін сустрэліся на палях саміта АЦЭС3

У Афрыцы зазелянела пустыня — і прычына гэтаму не толькі змена клімату4

У жаночых прыбіральнях Кітая з'яўляюцца пісуары. Навошта?1

Спявачка з Беларусі трапіла ў скандал у ЗША. Вінаваціць прафесара Калумбійскага ўніверсітэта ў згвалтаванні, а ён яе — у пераследзе сям'і13

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць