Грамадства88

Затрыманні псіхолагаў і псіхатэрапеўтаў: што вядома 

Апошнімі днямі ў Беларусі масава затрымліваюць псіхатэрапеўтаў і псіхіятраў. «Наша Ніва» даведалася некаторыя падрабязнасці.

Фота: сацсеткі

Паводле тэлеграм-канала «Белые халаты», затрымана не менш за 20 спецыялістаў. Частку з іх пасля допытаў адпусцілі, частка застаецца пад вартай. Падчас допытаў у спецыялістаў патрабуюць даць інфармацыю пра «нядобранадзейных» пацыентаў, якія да іх прыходзілі.

Наколькі вядома «Нашай Ніве», затрыманні пачаліся яшчэ на мінулым тыдні. Затрыманні збольшага датычацца спецыялістаў, якія карыстаюцца ў сваёй працы метадамі гештальт-тэрапіі. Да гэтай супольнасці належала і Яўгенія Тачыцкая — псіхіятр-нарколаг і псіхатэрапеўт, якую дзяржаўныя медыя і КДБ звязваюць з Мікалаем Швецам, абвінавачаным у арганізацыі дыверсіі на аэрадроме ў Мачулішчах.

Прапаганда сцвярджае, што Яўгенія дапамагла Швяцу схавацца ў катэджы. Туды нібыта адвёз яго сябра псіхатэрапеўткі.

Па звестках «Нашай Нівы», затрымліваюць спецыялістаў, якія, на думку спецслужбаў, раней кантактавалі з Яўгеніяй па прафесійных і асабістых пытаннях, навучаліся разам або працавалі. У затрыманых аглядаюць сацсеткі і «адпрацоўваюць» іхнія кантакты.

Пераважную большасць адпускаюць пасля допыту, калі на іхніх прыладах ці ў хаце не знайшлі нічога «крамольнага».

Сярод затрыманых — псіхолаг і цялесны тэрапеўт Юлія Бакун. Да яе прыйшлі яшчэ 9 сакавіка.

Тым часам супольнасць беларускіх спецыялістаў па ментальным здароўі, якія знаходзяцца за межамі краіны, выпусціла заяву ў сувязі з пераследам калег.

Сама Яўгенія Тачыцкая — у бяспецы, «Наша Ніва» нават з ёй звязалася. Але яна, як і іншыя датычныя да справы Мачулішчаў, пакуль нічога не гаворыць. 

Раней уступілі ў сілу змены ў закон «Аб псіхалагічнай дапамозе». Зараз сілавікам яшчэ прасцей атрымаць інфармацыю, якая складае прафесійную таямніцу.

Супольнасць псіхолагаў і псіхатэрапеўтаў заяўляе, што гэтыя змены парушаюць базавы прынцып канфідэнцыйнасці псіхатэрапіі: «Важна пазначыць недапушчальнасць асобных палажэнняў бягучай версіі закона. Больш за тое, мы лічым, што такім чынам улады дыскрэдытуюць нашу прафесію саму па сабе. Канфідэнцыйнасць — аснова для развіцця даверных адносін паміж спецыялістам і кліентам, яе парушэнне вядзе да згубных і шкодных для ментальнага здароўя асобнага чалавека і грамадства ў цэлым наступстваў: павелічэння трывожнасці, агрэсіўнасці, канфліктнасці і недаверу, пагаршэння крымінагеннай абстаноўкі, напрыклад, большай колькасці бытавых злачынстваў, а таксама да суіцыдаў».

«Наша Нiва» — бастыён беларушчыны

ПАДТРЫМАЦЬ

Як радавацца жыццю ў цяжкія часы (і нават за кратамі). Расказвае псіхолаг, які сам прайшоў лукашысцкія засценкі і пераасэнсаваў досвед Франкла

«Ідуць на вайну ў патрыятычным запале, а войска — гэта дысцыпліна і руціна». Пра выгаранне каліноўцаў і не толькі

«Цяжка стаць звычайным грамадзянінам, адчуваеш сябе нейкім няўмекам». Былыя палітвязні распавядаюць пра жыццё пасля вызвалення

Каментары8

  • Понятно
    15.03.2023
    Понятно, врач, как поп московской церкви в Беларуси стучит на прихожан в КГБ (ФСБ), должен стучать в КГБ (ФСБ) на пациентов, чтобы КГБ (ФСБ) имели компромат, чтобы представить неугодных власти "сумашедшими" или, чтобы было "основание", неугодных власти, закрыть в психушке.
  • No
    15.03.2023
    Усё гэта вельмi мерзка. Нагадавае часы у ГДР, калi палову насельнiцтва «стучалi» на другую палову.

    Людзi, бяжыце адсюль. Тут нiколi не будзе свабоды, бо краiна не належыць беларусам
  • геморрой
    15.03.2023
    знаю одного психиатра - авторитета, светилу науки и все такое. так он, прежде, чем в психиатрию пойти, пытался пойти в кгб. по собственной инициативе. и очень расстроился, когда его не взяли

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць18

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі9

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

Бяляцкі: На чарговым сходзе «Вясны» складу з сябе паўнамоцтвы3

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць18

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць