Грамадства44

Міліцыя адмовілася шукаць вінаватых у вандалізме ў «віцебскіх Курапатах»

У маі гэтага года невядомыя вандалы каля вёскі Хайсы Віцебскага раёна паламалі некалькі крыжоў, знішчылі мемарыяльныя шыльды і паказальнікі да ямін у лесе, дзе ў 1930-я гады адбываліся расстрэлы так званых «ворагаў народа». Па гэтым факце ў міліцыю быў накіраваны зварот, але сілавікі адмовіліся рэагаваць на факты вандалізму, піша «Віцебская вясна».

Зварот у міліцыю накіраваў праваабаронца Павел Левінаў. Ён прасіў даць прававую ацэнку дзеянням невядомых, якія папсавалі мемарыял, створаны ўдзельнікамі ініцыятывы «Хайсы — віцебскія Курапаты» і неабыякавымі грамадзянамі, якія шануюць гістарычную памяць.

Адказ Паўлу Левінаву быў кароткі: маўляў, супрацоўнікі міліцыі правялі праверку і не знайшлі падстаў для правядзення разбіральніцтва. Інакш кажучы, Віцебскі РАУС адмовіўся распачынаць адміністрацыйную або крымінальную справу па факце вандалізму ў «віцебскіх Курапатах».

Сёлетні выпадак вандалізму — не першы ў гісторыі народнага мемарыяла ў Хайсах. У 2015-м годзе стваральнік ініцыятывы Ян Дзяржаўцаў ужо звяртаўся ў міліцыю Віцебскага раёна з нагоды знікнення некалькіх крыжоў. Тады ён напісаў заяву як уласнік маёмасці, якую скралі невядомыя. Была заведзена адміністрацыйная справа, на месца выязджалі супрацоўнікі міліцыі, і з іх дапамогай нават удалося знайсці некалькі крыжоў, зламаных і патопленых у балаціне.

Аднак вінаватых не сталі шукаць і тады: Яну Дзяржаўцаву далі адказ, што адміністрацыйную справу спыняюць, бо ён панёс нязначны матэрыяльны ўрон.

Чытайце таксама: 

У Курапатах камунальнікі спілоўвалі дрэвы, тыя падалі на крыжы

«Не выключаю, што па загадзе мясцовых уладаў». У «віцебскіх Курапатах» знішчылі крыжы, шыльды і ўказальнікі да месцаў расстрэлаў

Памятны знак Вацлаву Ластоўскаму ў Курапатах ачысцілі ад надпісаў вандалаў

Каментары4

  • Суповой пакетик
    21.06.2023
    Лукашисты, видимо, рассчитывают жить вечно. А в крайнем случае - и после перехода в мир иной пользоваться теми же привилениями, что и сейчас. Ненависть к этому сорту людей множится не по дням, а по часам. Вполне возможно, в недалеком будущем кто-то отыграется и на их могилах. Интересно, задумывался ли кто-нибудь из господ чиновников на эту тему?
  • Bhagawan
    21.06.2023
    Hałounaje padčas śledstva - nie vyści na samich siabie!
  • Алесь
    21.06.2023
    Канешне, навошта сябе шукаць

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Кавалер збег са спаткання, не заплаціўшы за вячэру. Ці павінна дзяўчына аплачваць увесь рахунак?11

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку32

Трамп і Пуцін абмяркоўвалі вайну ва Украіне1

Інфапункты для беларусаў за мяжой створаць у Вільні, Варшаве і Познані. Колькі ў іх будзе супрацоўнікаў і хто стане плаціць заробкі?6

Украіна трэці раз з пачатку тыдня атакавала Крымскі мост1

Карціна Ван Гога прададзена з аўкцыёну за рэкордныя 190,4 мільёна даляраў2

Як згуляць у GTA 6, калі жывеш у Беларусі3

З 1 студзеня днём рух грузавікоў па МКАД плануюць забараніць

Трамп і Пуцін сустрэліся на палях саміта АЦЭС3

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць