Эканоміка33

У Шчорсах зноў прадаюць частку былога маёнтка Храптовічаў, ужо за бесцань

У вёсцы Шчорсы ў Навагрудскім раёне плануюць прадаць будынак былой вяндлярні ў сядзібе Храптовічаў. Цана аб’екта — 37 рублёў, паведамляе Hrodna.life. Аўкцыён адбудзецца 7 жніўня 2023 года.

Пабудова ўнесеная ў спіс гісторыка-культурных каштоўнасцей і знаходзіцца на балансе Навагрудскага райвыканкама. Паводле ўмоў аўкцыёну, новы ўладальнік павінен распрацаваць і зацвердзіць праект рэканструкцыі не пазней чым праз два гады з моманту заключэння дамовы.

Рамонт трэба правесці не пазней чым праз тры гады ад заключэння дамовы. Пад што можна перарабіць былую вяндлярню, ва ўмовах аўкцыёну не паведамілі.

Ніжняя частка будынка цагляная, над ёй высокі дах, крыты гонтай. На даху плаўнымі лініямі выступаюць выпуклыя душнікі. Цагляныя сцены дэкараваныя лапаткамі, карнізам простага профілю і лучковымі перамычкамі над аконнымі і дзвярнымі праёмамі.

Раней будынак былой вяндлярні ўжо выстаўлялі на продаж, апошняя спроба была ў лютым 2023 года. Тады за аб’ект хацелі 9950 рублёў, але будынак ніхто не набыў. Цяпер цану знізілі да адной базавай велічыні — 37 рублёў.

Сядзіба ў Шчорсах у Навагрудскім раёне калісьці належала канцлеру ВКЛ Іаахіму Храптовічу. У XVIII стагоддзі ён узвёў тут палацава-паркавы ансамбль у стылі французскага класіцызму. Да нашых дзён асноўны будынак сядзібы не ацалеў, але захаваўся парк і сажалкі.

Да нядаўняга часу ўсе будынкі сядзібы ў Шчорсах належалі дзяржаве. Частка — аддзелу культуры Навагрудскага райвыканкама, частка — сельсавету ў Шчорсах, частка — ААТ «Шчорсы» (былы калгас «Зорка»). З 2018 года сядзібу спрабавалі прадаць як комплекс, пазней — як асобныя будынкі.

З 2017 года над захаваннем і развіццём комплексу працаваў культурна-асветніцкі фонд «Шчорсы і Храптовічы» пад кіраўніцтвам Ганны Булды. Але ён трапіў пад хвалю масавых ліквідацый грамадскіх арганізацый у Беларусі ў 2021−2022 гадах. Суд прайшоў 19 лістапада мінулага года, 4 снежня рашэнне ўступіла ў сілу.

Каментары3

  • Беларусы
    10.07.2023
    Как можно продавать историю??!!! ЭтоХрептович! Министр иностранных дел ВКЛ! ТУРИСТИЧЕСКИЙ ОБЪЕКТ! ЭТО КАКОЙ ОБЛИСПОЛКОМ ТАКИМ ДНОМ ОТМЕТИЛСЯ? турчин этот безголовый или из Гродно с ником Кара? Где в каком месте земли так поступают с историей? Иразалюк, тут тоже ты нашел бсб?
  • сымпал Сайман
    10.07.2023
    Як на мой розум, то найлепш былую вяндлярню прыстасаваць.... па вяндлярню! І продаж аўтэнтычнай "вядліны ад Храбтовіча" будзе чэсным сродкам адбіць патрачаныя на выкуп помніка і прыстасаванне яго ў адпаведнасці з першапачатковым прызначэннем.
  • цеста і манка
    10.07.2023
    сымпал Сайман, залатая вяндліна будзе. Не акупіцца. Ды і ўсе патэнцыйныя пакупнікі за заходняй мяжой.

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі4

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

Заснавальнік партала Realt.by прадае дом за $3 мільёны9

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі4

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць