Грамадства22

У Шчорсах на Наваградчыне прадаюць вяндлярню Храптовічаў

Проста цяпер у Шчорсах Навагрудскага раёна прадаюць цікавы аб'ект. Незвычайны лот выстаўлены на аўкцыённай пляцоўцы Дзяржкаммаёмасці, таргі па ім пройдуць 24 лютага, піша «Анлайнер».

Пабудова пазначаная як «вяндлярня». Цяпер яна знаходзіцца на балансе аддзела культуры Навагрудскага раённага выканкама.

Будынак вяндлярні — гісторыка-культурная каштоўнасць, пабудаваная на стыку XIX-XX стагоддзяў. Ніжняя яго частка — з цэглы, а над ёй высокі гонтавы дах, уся канструкцыя завяршаецца невысокім шатром.

«На даху плаўнымі лініямі выступаюць выпуклыя душнікі, — пішуць даведнікі. — Цагляныя сцены дэкараваныя лапаткамі, карнізам простага профілю і лучковымі перамычкамі над аконнымі і дзвярнымі праёмамі».

Усярэдзіне прастора падзеленая на ярусы для размяшчэння прадуктаў.

Гэтая вяндлярня адносіцца да сядзібы Храптовічаў. Іх палац згарэў у Першую сусветную, але часткі былога комплексу захаваліся, у тым ліку гаспадарчыя пабудовы.

Пачатковая цана старадаўняй вяндлярні — 9950 рублёў.

Як расказалі «Анлайнеру» ў Навагрудскім райвыканкаме, гэта ўжо не першы аўкцыён па вяндлярні. Спачатку цана была ў два разы вышэйшая. Увогуле ж на таргі выстаўляўся цэлы комплекс будынкаў былой сядзібы, астатнія ўжо прададзеныя.

Па ўмовах аўкцыёну, пакупнік павінен правесці рэканструкцыю, рэстаўрацыю і абнаўленне аб'екта. Выкарыстоўваць пабудову трэба «пад мэты, якія не супярэчаць заканадаўству», на працягу двух або трох гадоў. Так як гэта помнік архітэктуры, то трэба будзе падпісаць ахоўнае абавязацельства.

Каментары2

  • Максим Дизайнер
    11.02.2023
    Какая красотка. Барчелу или берлогу для холостяка - само то, девок местных водить.
  • цячэ вада ў ярок
    11.02.2023
    Максим Дизайнер, прапануем пад мэту, што супярэчыць заканадаўству?

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі4

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

Мінчане купілі пустуючую хату за 2300 рублёў і вяртаюць яе да жыцця4

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі4

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць