Грамадства

Былога афганца з Віцебскай вобласці асудзілі да трох гадоў за абразу Лукашэнкі і не толькі

Былога афганца Уладзіміра Лісіцу судзіў суддзя Лёзненскага раёна Аляксей Лапушанскі. Паводле судовага выраку, Лісіца мае адбыць тры гады ў папраўчай калоніі ва ўмовах агульнага рэжыму, а таксама сплаціць 7 400 рублёў штрафу і кампенсацыю маральнай школы двум пазоўнікам — генеральнаму пракурору Рэспублікі Беларусь А. Шведу і дэпутату Наваполацкага гарадскога Савета дэпутатаў І. Мядзведскаму — па 3 000 рублёў кожнаму, піша «Віцебская вясна».

Паводле следства, Уладзімір Лісіца не пашкадаваў моцных выразаў і на адрас яшчэ некалькі вядомых у Беларусі асобаў: «публічна непрыстойныя каментары прагучалі на адрас« ваеннага камісара Гомельскай вобласці А.У. Крываносава, дэпутата Палаты прадстаўнікоў Нацыянальнага сходу Рэспублікі Беларусь А.С. Гайдукевіча, старшыні Глыбоцкага райвыканкама А.М. Шубскага, а таксама А. Лукашэнкі, паведамляе лёзненская раённая газета «Сцяг перамогі». 

«Раёнка» апісвае асуджанага як хулігана, які «мог бы і далей спакойна працаваць у вёсцы вартаўніком», але пісаў каментары «ў непрыстойнай, грубай, зняважлівай, абразлівай форме з ненарматыўнай лексікай». У судзе гэтых фактаў мужчына не аспрэчваў, а вось з заяўленай кампенсацыяй маральнай шкоды не пагадзіўся, заявіўшы, што дэпутат Наваполацкага гарсавета Мядзведскі «не панёс ніякіх перажыванняў», а сума, якую пажадаў атрымаць генеральны пракурор Швед, «завышана». 

Лёзненская «раёнка» падрабязна апісвае дэталі суду, бо справа для мясцовасці гучная: Уладзімір Лісіца — былы «афганец» і чалавек з прынцыповай грамадзянскай пазіцыяй, а яго жонка Аксана Лісіца — дырэктарка Высачанскай базавай школы і дэпутатка райсавета 28-га склікання. 

Уладзімір Лісіца нарадзіўся ва Украіне, у Сумскай вобласці, і на аватарцы ў ягонай старонцы ў «Аднакласніках» — украінскі сцяг. Змест гэтай старонкі, які цяпер амаль увесь выдалены, вывучала Лёзненская раённая пракуратура, і яна вырашыла, што старонку варта прызнаць «эстрэмісцкімі матэрыяламі», што суд Лёзненскага раёна і зрабіў.

Каментары

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць