Грамадства2424

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Муравейка ўсю кар'еру зрабіў у войску.

Аляксандр Лукашэнка назначыў Паўла Муравейку старшынёй Віцебскага абласнога выканаўчага камітэта.

Да гэтага часу Муравейка займаў пасаду намесніка кіраўніка лукашэнкаўскай Адміністрацыі. А да гэтага кіраваў Генеральным штабам Узброеных Сіл.

«Я хацеў бы вас бачыць губернатарам у Віцебскай вобласці. Чаму з усіх кандыдатур я вам прапаную гэту работу: вы — чалавек сістэмны, з ваенным характарам, які прывык ставіць задачы і патрабаваць выканання», — сказаў Лукашэнка. 

Ён расказаў, што пытаў пра Муравейку, калі таго прызначылі ў Генеральны штаб, і суразмоўцы былі пра яго добрага меркавання. Таму Лукашэнка, паводле яго слоў, зрабіў выснову, што Муравейка павінен справіцца з гэтай пасадай. 

«У Віцебскай вобласці бяда — дысцыпліна. Трэба ўводзіць вайсковую дысцыпліну ў плане выканання тэхналагічных рэгламентаў», — панаракаў Лукашэнка.

55‑гадовы Павел Муравейка нарадзіўся ў Мар'інай Горцы 26 верасня 1971 года. У 1992‑м скончыў Мінскае вышэйшае вайскова-палітычнае агульнавайсковае вучылішча. Пасля Муравейка паступіў у мінскую Вайсковую акадэмію, якую скончыў у 2001-м. Праз некалькі гадоў вучыўся ў Расіі — у Акадэміі Генштаба РФ.

Лукашэнка прызначыў Паўла Муравейку намеснікам кіраўніка сваёй Адміністрацыі ў канцы верасня. Раней той займаў пасаду начальніка Генеральнага штаба Узброеных сіл — першага намесніка міністра абароны.

Прызначэнне Муравейкі ў Адміністрацыю — гэта была нечаканая камбінацыя Лукашэнкі, сэнс якой быў незразумелы. Адыёзны генерал Павел Муравейка быў прызначаны на спецыяльна пад яго створаную пазіцыю, у абыход кіраўніка Адміністрацыі, Дзмітрыя Крутога.

Такая ракіроўка стала сюрпрызам для ўсіх, бо генерал-маёр Павел Муравейка мае рэпутацыю цвердалобага нават па мерках цяперашняй сілавой вярхоўкі.

Цяпер — новае нечаканае прызначэнне ў праблемную Віцебскую вобласць.

20 кастрычніка Аляксандр Лукашэнка падпісаў указ аб вызваленні з пасады старшыні Віцебскага аблвыканкама Аляксандра Рагожніка. Прычынай назвалі хваробу 50‑гадовага Рагожніка. Хаця яшчэ 17 кастрычніка той асабіста браў удзел у абласных «Дажынках» у Мёрах і, прынамсі вонкава, хворым не выглядаў.

Да Рагожніка вобласць чатыры гады ўзначальваў Аляксандр Субоцін. Лукашэнка рэгулярна патрабаваў ад яго навесці парадак і дысцыпліну. На вялікай нарадзе ў Віцебску ў кастрычніку 2025 года ён назваў сітуацыю ў вобласці «найжахлівейшай». 

У студзені 2026 года Субоціна знялі.

Каментары24

  • Бодилев
    16.11.2026
    Спасать Витебскую область назначили генерала, который не имеет никакого опыта в гражданском руководстве
  • толькі хацела тое самае сказаць
    16.11.2026
    čoms, знялі з языка...
  • НАЧАЛОСЬ!
    16.11.2026
    Ну всё, НАЧАЛОСЬ! Империя решила долго не выдумывать и просто сделала ремейк классики. В XIX веке в Витебск присылали наводить порядок вице-губернатора Муравьёва, а теперь — выпускника Академии Генштаба РФ генерал-губернатора Муравейко. Видимо, масштаб амбиций чуть усох вместе с фамилией, но методичка всё та же: «воинская дисциплина» и взгляд на карту через прицел

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны24

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

Аргазм ёсць, а спермы няма. Што такое рэтраградная эякуляцыя і чым яна небяспечная11

Зяленскі заявіў, што Украіна спыніла больш за палову расійскай нафтаперапрацоўкі7

Літва заклікала прызнаць ГРУ тэрарыстычнай арганізацыяй9

Зборная Беларусі па футболе прайграла Албаніі ў вырашальным матчы Лігі нацый14

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны24

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць