Эканоміка1111

Арыштавалі і выставілі на продаж самую магутную ў Беларусі сонечную электрастанцыю

У Беларусі з-за даўгоў арыштавалі самую магутную сонечную электрастанцыю. Цяпер велізарны комплекс сярод лясоў Чарнобыльскай зоны выстаўлены на продаж, піша Blizko.by.

У 2018 годзе ў Чэрыкаўскім раёне Магілёўскай вобласці на замову кампаніі «Солар Лэнд» пачалі будаваць магутную сонечную электрастанцыю. Комплекс размясціўся каля адселенай вёскі Малая Рэчыца. Гэтыя землі пацярпелі ад Чарнобыльскай АЭС, таму населеныя пункты адсялілі.

Станцыю запусцілі ў эксплуатацыю ў лістападзе 2021 года. Яе сумарная вызначаная магутнасць складае 109 МВт пераменнага току і 130 МВт пастаяннага току, а гадавы аб'ём выпрацоўкі энергіі — 133-138 тысяч МВт*гадзіну.

На момант запуску гэта была самая магутная сонечная электрастанцыя ў краіне, прычым, мяркуючы па ўсім, застаецца такой і дагэтуль. Яе магутнасць удвая пераўзыходзіла ўладальніка ранейшага рэкорду.

Вось так выглядала чацвёрка найбуйнейшых сонечных станцый у Беларусі восенню 2021-га:

  • «Солар Лэнд «(Чэрыкаўскі раён Магілёўскай вобласці): пуск лістапад 2021, магутнасць 109 МВт
  • «Беларуснафта» пад Рэчыцай (Гомельская вобласць): пуск кастрычнік 2018, магутнасць 55 МВт
  • «Солар II» пад Брагінам (Гомельская вобласць): пуск жнівень 2016, магутнасць 18,48 МВт
  • станцыя пад Мядзелам (Мінская вобласць): пуск чэрвень 2016, магутнасць 5,7 МВт

На той момант у краіне працавалі ўсяго 70 сонечных станцый агульнай магутнасцю 160 МВт. Гэта значыць, станцыя пад Чэрыкавым выдавала прыкладна 2/3 магутнасці ўсіх папярэдніх сонечных станцый. Для параўнання: магутнасць першага энергаблока БелАЭС складае 1.200 МВт (або каля 11 такіх сонечных станцый, як пад Чэрыкавым).

І вось цяпер гэтая магутная станцыя з'явілася на гандлёвай пляцоўцы «Белюрзабеспячэнне» ў раздзеле арыштаванай маёмасці. Прычына — даўгі ТАА «Солар Лэнд».

Складнікі сонечнай электрастанцыі знаходзяцца ў закладзе. У склад комплексу ўваходзяць дзясяткі адзінак рознага тэхналагічнага абсталявання.

Стартавая цана лота складае 79 751 000 рублёў (прыкладна 24,8 мільёна даляраў па актуальным курсе). Таргі стартуюць 14 сакавіка.

Каментары11

  • qwerty
    01.03.2024
    Відаць аднаўляльнай энергетыцы ў Беларусі прыйшоў капец. Сонечныя станцыі зарастаюць бур'яном, а ветравыя - заглушаныя па ўсёй краіне.
  • Беларус
    01.03.2024
    Вось цікава, калі такая электрастанцыя каштуе 25 млн даляраў і каб супадала магутнасць з нашай АЭС трэба 11 такіх сонечных станцый, то нешта не зразумела, чаму не пабудавалі менавіта сонечныя. АЭС каштавала каля 6-7 млрд здаецца. Штосьці не сыходзіцца
  • Kub
    01.03.2024
    Бізнэс па-лукашысцку: інвестуй ў бізнэс, наладзь вытворчасць, а пасля дзяржава па-бандзюкоўску адцісне і ты яшчэ і вінны будзеш....

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

48‑гадовага аўтамаляра з Гарадка асудзілі да калоніі. Меркавана, за каментарыі ў падтрымку Украіны1

Стваральнік Claude прыцягнуў рэкордныя 81,3 мільярда даляраў пры выхадзе на біржу

Уладзімір Мацкевіч: Пенсіі ў Літве ў мяне няма10

Кавалер збег са спаткання, не заплаціўшы за вячэру. Ці павінна дзяўчына аплачваць увесь рахунак?12

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку32

Трамп і Пуцін абмяркоўвалі вайну ва Украіне1

Інфапункты для беларусаў за мяжой створаць у Вільні, Варшаве і Познані. Колькі ў іх будзе супрацоўнікаў і хто стане плаціць заробкі?6

Украіна трэці раз з пачатку тыдня атакавала Крымскі мост1

Карціна Ван Гога прададзена з аўкцыёну за рэкордныя 190,4 мільёна даляраў2

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць