Свет22

У амерыканскім заапарку вядомая на ўвесь свет бегемоціха з'ела вязаную шапку

У заапарку амерыканскага горада Цынцынаці бегемоціха Фіёна праглынула вязаную шапку, якая выпадкова трапіла ў яе вальер. Цяпер за жывёлінай, вядомай на ўвесь свет сваёй гісторыяй выратавання пасля заўчаснага нараджэння, кругласутачна назіраюць спецыялісты, піша CNN.

Фота: Jason Whitman / Nurphoto, Getty Images

Шапка належала аднаму з наведвальнікаў заапарка. Яна выпадкова апынулася ў вальеры дзевяцігадовай бегемоціхі: калі галаўны ўбор падкінулі ў паветра, яго падхапіў струмень паветра ад столевага вентылятара, пасля чаго шапка праляцела праз шчыліну шырынёй каля 30 сантыметраў.

Ветэрынары вырашылі не выдаляць іншародны прадмет хірургічным шляхам, а паспрабаваць дачакацца, пакуль ён выйдзе натуральным чынам. Фіёне даюць супрацьванітныя сродкі і паслабляльнае. Каб стымуляваць працу стрававальнага тракту, супрацоўнікі заапарка нават пазычылі на мясцовай ферме вібраплатформу і заахвочваюць бегемоціху на ёй стаяць.

Жывёліне правялі некалькі абследаванняў. Ультрагукавое даследаванне паказала, што кішэчнік збіраецца ў складкі, што можа сведчыць пра рух нейкага прадмета па тонкай кішцы. Акрамя лекаў, Фіёне даюць яе любімыя прысмакі і нават дазваляюць нюхаць каву, пах якой ёй падабаецца.

Галоўная небяспека ў тым, што шапка можа выклікаць непраходнасць кішэчніка, яго пашкоджанне і, як вынік, сур'ёзную інфекцыю або сепсіс. Прадстаўнік Фонду заапарка Маямі Рон Магіл адзначыў, што выпадкі праглынання жывёламі неядомых прадметаў здараюцца нярэдка. У заапарку Маямі, напрыклад, даводзілася хірургічным шляхам выдаляць бутэльку для вады з варана Камода і сонцаахоўныя акуляры з алігатара. Сярод іншых праглынутых прадметаў былі слыхавыя апараты і мабільныя тэлефоны.

Фіёна стала сусветна вядомай адразу пасля нараджэння ў 2017 годзе. Яна з'явілася на свет на шэсць тыдняў раней за тэрмін і важыла ўсяго 13 кілаграмаў — гэта была рэкордна малая вага для нованароджанага бегемота. Спачатку малеча не магла самастойна стаяць на нагах і смактаць малако маці. Супрацоўнікі заапарка амаль два гады выходжвалі яе, а працэс выратавання штодня трансляваўся па ўсім свеце.

Цяпер Фіёна важыць больш за тону і стала сімвалам надзеі для шматлікіх прыхільнікаў. У 2022 годзе ў яе з'явіўся малодшы брат Фрыц. Фіёна і яе сям'я застаюцца аднымі з галоўных улюбёнцаў наведвальнікаў заапарка. У сувенірнай краме нават прадаюць тавары з выявай знакамітай бегемоціхі.

Каментары2

  • Žvir
    19.11.2026
    Hałodnaja źviaruška, nia kormiać jak treba, voś i zjeła tuju šapku. Inakš, nachalieru jana jaje stała b jeści ?
  • Real American
    19.11.2026
    Вось дык паварот! А ў газетах пісалі, что яна з визітам у Кітаі.

Цяпер чытаюць

Соф’я Сапега расказала, як яе падманам знялі для перадачы Пратасевіча

Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

Бяляцкі: На чарговым сходзе «Вясны» складу з сябе паўнамоцтвы3

Вызваленне Курскай вобласці каштавала расіянам 20 тысяч жыццяў. І гэта без уліку паўночнакарэйцаў

У Варшаве ў кватэру беларускі ўварваўся ўкраінец, паваліў на падлогу і забраў дарагую сумачку9

Намеснік кіраўніка Пентагона раскрытыкаваў удары Украіны па Расіі і датэрмінова пакінуў «Рамштайн»17

48‑гадовага аўтамаляра з Гарадка асудзілі да калоніі. Меркавана, за каментарыі ў падтрымку Украіны1

Стваральнік Claude прыцягнуў рэкордныя 81,3 мільярда даляраў пры выхадзе на біржу

Уладзімір Мацкевіч: Пенсіі ў Літве ў мяне няма11

больш чытаных навін
больш лайканых навін

Соф’я Сапега расказала, як яе падманам знялі для перадачы Пратасевіча

Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць