Грамадства3939

Пасол Сідарэнка пакончыў з сабой, не вытрымаў допытаў КДБ

Трагедыя адбылася ў нядзелю, 23 чэрвеня. МЗС пра смерць Сідарэнкі паведаміла толькі 26 чэрвеня. Прычым гэта было зроблена без дэталяў, сцісла, пасля таго як інфармацыя прайшла ў незалежных СМІ. 

Дзяніс Сідарэнка. Фота з фэйсбук-старонкі прэс-службы МЗС Беларусі

Як стала вядома «Нашай Ніве», былы пасол у Германіі Дзяніс Сідарэнка скончыў жыццё самагубствам — скокнуў з мінскага шматпавярховіка. 

Сідарэнка быў амбасадарам Беларусі ў Нямеччыне надзвычай доўга — з 2016 да 2024 года. Яго вызвалілі ад гэтай пасады ўказам Аляксандра Лукашэнкі 11 сакавіка гэтага года.

Як расказалі «Нашай Ніве» крыніцы, па вяртанні са сваёй пасольскай камандзіроўкі з Германіі Сідарэнка стаў аб'ектам увагі Камітэта дзяржаўнай бяспекі. 

«Не вылазіў з паліграфаў і допытаў», — расказалі «Нашай Ніве» інфармаваныя суразмоўцы. 

Новай пасады ў Міністэрстве замежных спраў Сідарэнка не атрымаў. Хаця работа паслом у Германіі — найбольшай дзяржаве Еўрасаюза, — гэта пасольская пасада вышэйшай лігі.

«Відаць, не вытрымаў таго, што адбываецца», — дадаў іншы інфармаваны суразмоўца.

У Сідарэнкі засталіся дзве дачкі.

У Мінску гавораць, што ўсе кар'ерныя дыпламаты, якія вяртаюцца з ЕС, цяпер становяцца аб'ектамі пільнага аператыўнага вывучэння спецслужбамі.

Раней у лістападзе 2022 памёр 64-гадовы міністр замежных спраў Беларусі Уладзімір Макей. Некалькі крыніц таксама назвалі прычынай ягонай смерці самагубства. Пазней, як можна меркаваць, самагубствам скончыў жыццё і 46-гадовы міністр транспарту Аляксей Аўраменка.

@nashaniva Былы пасол загінуў праз допыты КДБ Былы пасол загінуў праз допыты КДБ #беларусь #нашаніва #недвижимость #чиновники #беларусьновости #навіны ♬ Crime Scene - Avery Alexander

Каментары39

  • Ясный сокол
    26.06.2024
    Господа дипломаты, зачем вам такая жизнь? Работать на деспота и уходить на тот свет. Одумайтесь.
  • сакавік
    26.06.2024
    Такім будзе лёс усіх, хто лічыць, што зможа з рэжымам дамовіцца. Давядуць і закапаюць
  • Завіруха
    26.06.2024
    Кушайце адно аднаго, братья!

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі9

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць