Культура1212

Актрыса Купалаўскага прызналася, што тэатр так і не змог адысці пасля 2020 года

Актрыса Тамара Міронава, якая засталася ў Купалаўскім тэатры пасля масавых звальненняў у 2020 годзе, у інтэрв'ю «СБ» адкрыта распавяла пра хранічныя праблемы калектыву. Паводле яе слоў, тэатр да гэтага часу не можа адысці ад страт і пакутуе ад двух вялікіх «правалаў».

Тамара Міронава. Фота: kino-teatr.ru

Першая праблема, паводле слоў актрысы, — востры дэфіцыт акцёраў сярэдняга пакалення. Міронава кажа, што ў трупе практычна няма каму граць ролі ў катэгорыі «50+». Гэта ставіць пад удар пастаноўкі класічных твораў, дзе большасць ключавых персанажаў павінны быць менавіта такога ўзросту.

— Ці адышоў Купалаўскі сёння ад усіх узрушэнняў? — пытае карэспандэнт актрысу.

— Так. Але ў нас правал па сярэднім пакаленні акцёраў. Не можам ставіць класіку, дзе ўсё напісана на гэты ўзрост — 50+.

Другая бяда — рэжысёрскі голад.

— Спектаклі ў Купалаўскім ставяць расійскія рэжысёры — ужо два спектаклі паставіў Дзмітрый Акімаў, Ігар Малаў… — кажа карэспандэнт.

— У нас кадравы рэжысёрскі голад. Наша мастацкая кіраўніца Вольга Няфёдава ўжо ўсім плеш праела: дайце галоўнага рэжысёра. Не могуць знайсці.

Пасля масавага звальнення купалаўцаў у 2020 годзе ў знак пратэсту супраць гвалту і фальсіфікацый пасля прэзідэнцкіх выбараў, тэатр апынуўся на мяжы закрыцця. Каб хоць неяк запоўніць пустку, адміністрацыя запрашала на працу акцёраў з Расіі, якія нават не ведалі беларускай мовы, а ў 2025 годзе пачала пазычаць кадры ў іншых беларускіх тэатраў. З прызнанняў Міронавай вынікае, што за пяць гадоў сапраўднае адраджэнне Купалаўскага так і не адбылося.

Каментары12

  • 1794-2026
    15.02.2026
    а чаго вы хацелі
  • Ёсік
    15.02.2026
    Гэта ж тэатр, культура, а ў нас міністр культуры рускамоўны, лукашэнку тая культура да с.акі, дык аб чым размаўляць. Нельга знайсьці гастарбайтэраў у тэатр, гэта не машыністаў электрычак пасадзіць за саставы метрапалітэна, тутака не спрацуе.
  • Проста жыхар
    15.02.2026
    Падобна, што насамрэч не не могуць знайсці акцёраў і рэжысёра, а проста нармальныя людзі не хочуць ісці будаваць кар'еру на руінах Купалаўскага (акрамя абыякавых маскалёў, канешне).

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць