Вайна55

Пасля расійскіх удараў ва Украіне амаль не засталося лакаматываў

З пачатку поўнамаштабнай вайны Расія пашкодзіла або знішчыла больш за 500 украінскіх лакаматываў, прычым звыш паловы — у 2026 годзе. Цяпер Украіна шукае замену ў краінах Еўропы, але падыдуць не ўсе машыны праз розную шырыню чыгуначнай каляіны.

Украіна амаль цалкам выкарыстала рэзерв лакаматываў, заявіў міністр аграрнай палітыкі Тарас Высоцкі ў каментары Financial Times. Паводле яго, Кіеў ужо вядзе перамовы з еўрапейскімі краінамі пра пастаўкі тэхнікі.

Праблема ў тым, што ва Украіне выкарыстоўваецца каляіна шырынёй 1520 міліметраў, тады як у большасці краін Еўрасаюза яна вузейшая — 1435 міліметраў. Таму звычайныя еўрапейскія лакаматывы нельга адразу паставіць на ўкраінскія рэйкі. 

Расія ў апошнія тыдні ўзмацніла ўдары па цягніках, якія перавозяць збожжа і жалезную руду — два ключавыя тавары ўкраінскага экспарту.

Выканаўчы дырэктар прыватнага партовага аператара ТІС Мікіта Грубаў расказаў, што толькі каля іх тэрмінала ў порце Паўднёвы былі страчаныя тры лакаматывы.

«Цяпер назіраецца вялікі дэфіцыт. Гэта наша слабае месца», — сказаў ён.

15 верасня кіраўнік украінскага МЗС Андрэй Сібіга звярнуўся да партнёраў з просьбай дапамагчы знайсці лакаматывы для каляіны 1520 міліметраў і прафінансаваць набыццё новых.

«Каб гэтая жыццёва важная артэрыя працягвала працаваць, Украіне тэрмінова патрэбная замена», — заявіў Сібіга.

Паводле яго, ад пачатку поўнамаштабнага ўварвання расійскія атакі пашкодзілі або знішчылі больш за 500 лакаматываў. Больш за палову гэтых страт прыпала на 2026 год.

Каментары5

  • крывадушнасць Еўропы
    05.10.2026
    Можа Еўропа і дасць лакаматываў. Толькі лепш бы яны дапамаглі войскамі і вынеслі рашыстаў замест таго, каб па кроплі выдаваць дапамогу, пакуль гінуць украінцы
  • А я вас січас пакажу
    05.10.2026
    Ёсць адна краіна, у якой як раз ёсць лакаматывы, бо стаіць транзіт.
  • .
    05.10.2026
    Шырыня каляіны - спадчына будаўніцтва чыгункі ў часы Расейскай Імперыі.

    І "амаль не засталося лакаматываў" не эквівалентна "амаль цалкам выкарыстала рэзерв лакаматываў".
    Рэзерв скончыўся - значыць, ездзяць, але без запасу. А калі саміх лакаматываў амаль не засталося - значыць, рух амаль прыпынены. Непатрэбная драматызацыя, скажэнне факта.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць