Грамадства11

БЧ часова адменіць цягнікі Мінск — Брэст і скароціць маршруты да Масквы і Санкт-Пецярбурга

Беларуская чыгунка зменіць рух шэрагу пасажырскіх цягнікоў 22 і 29 кастрычніка праз планавы капітальны рамонт чыгуначнага моста на перагоне Гарадзея — Пагарэльцы на ўчастку Мінск — Брэст. Змены закрануць цягнікі паміж Мінскам і Брэстам, а таксама саставы з Масквы і Санкт-Пецярбурга.

Здымак ілюстрацыйны. Фота з сацсетак

У гэтыя дні цалкам адменяць цягнікі № 727/728, № 725/726 і № 737/738, якія курсуюць паміж Мінскам і Брэстам.

Цягнік № 51 Санкт-Пецярбург — Брэст, які адправіцца з Санкт-Пецярбурга 21 і 28 кастрычніка, будзе даязджаць толькі да Мінска. У сталіцу Беларусі ён прыбудзе 22 і 29 кастрычніка адпаведна. У адваротным кірунку цягнік № 52 Брэст — Санкт-Пецярбург у гэтыя дні будзе адпраўляцца не з Брэста, а з Мінска.

Аналагічныя змены закрануць цягнік № 27 Масква — Брэст. Саставы, якія выправяцца з Масквы 21 і 28 кастрычніка, будуць курсіраваць толькі да Мінска і прыбудуць туды 22 і 29 кастрычніка.

Зменіцца і маршрут цягніка № 680 Гродна — Віцебск з бесперасадачнымі вагонамі Гродна — Санкт-Пецярбург. 22 і 29 кастрычніка ён адправіцца з Гродна ў 14:01 і будзе ехаць да Мінска праз Ліду і Маладзечна. Пасля Мінска цягнік вернецца на звычайны маршрут.

Каб забяспечыць перавозкі паміж Мінскам, Баранавічамі і Брэстам, на 22 і 29 кастрычніка прызначаць дадатковыя цягнікі.

Цягнік № 655 Мінск — Брэст адправіцца з Мінска ў 18:39 і прыбудзе ў Брэст у 23:35. Цягнік № 886 Брэст — Баранавічы выправіцца з Брэста ў 8:09 і прыбудзе ў Баранавічы ў 10:04.

Цягнік № 887 Баранавічы — Брэст 22 кастрычніка адправіцца ў 15:05 і прыбудзе ў Брэст у 17:07. 29 кастрычніка ён выправіцца ў 14:55 і прыбудзе ў 17:00.

Акрамя таго, у гэтыя дні частка рэгіянальных цягнікоў эканомкласа на ўчастку Мінск — Баранавічы будзе курсіраваць паводле змененых маршрутаў і раскладу.

Праверыць расклад можна на сайце Беларускай чыгункі, у мабільным дадатку «БЧ. Мой поезд» або па тэлефоне 105.

Каментары1

  • А
    15.10.2026
    Перакідка войскаў пайшла ў рамках учэння АДКБ. Як завяшчаў Ільіч учэнне свет.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць18

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі9

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць18

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць