Грамадства33

Беспілотнік на выходных заляцеў у Брэсцкую вобласць і накіраваўся да мяжы з Польшчай

Чарговыя выпадкі парушэння паветранай прасторы Беларусі падчас расійскіх атак зафіксаваў «Флагшток» 18—19 кастрычніка. Гэтым разам беспілотнікі заляталі не толькі ў Гомельскую, але і ў Брэсцкую вобласць.

Каля 02:30 18 кастрычніка ўкраінскі тэлеграм-канал «Рында мониторит» паведаміў пра рух неўстаноўленага беспілотніка ў ля сяла Растань Ковельскага раёна Валынскай вобласці.

Ужо праз некалькі хвілін ён накіроўваўся ў бок вёскі Прыбарава ў Брэсцкім раёне — гэта каля самай мяжы з Польшчай.

Канал адзначаў, што пакуль дакладна невядома, з якой менавіта краіны быў запушчаны гэты беспілотнік.

У той жа дзень а 08:50 іншы беспілотнік праляцеў звыклым маршрутам праз Гомельшчыну і вылецеў у бок Чарнобыля. Яшчэ адзін — каля 21:00 па той жа траекторыі.

19 кастрычніка прыкладна а 04:10 рэактыўны беспілотнік праляцеў над Гомелем. Ён быў запушчаны з Бранскай вобласці і пасля вылецеў ва Украіну, паведаміў «Флагштоку» маніторынгавы канал «еРадар».

Паводле звестак канала «Рында мониторит», гэты беспілотнік ляцеў над Рэчыцкім і Лоеўскім раёнамі (вёскамі Пракісель і Колпень), накіроўваючыся на Любеч Чарнігаўскай вобласці.

Такім чынам, паводле наяўных на гэты момант звестак, мінімум чатыры беспілотнікі парушылі паветраную прастору Беларусі 18—19 кастрычніка.

Тым часам расійскія беспілотнікі па-ранейшаму штодня рухаюцца ўздоўж беларуска-ўкраінскай мяжы, выкарыстоўваючы яе як прыкрыццё і, верагодна, «чапляючыся» за сігналы станцый беларускага мабільнага аператара.

Жыхары гомельскага памежжа рэгулярна чуюць гукі выбухаў. Верагодна, частку дронаў на гэтым участку ўкраінскім вайскоўцам удаецца збіваць, і гукі выбухаў даносяцца з суседняй тэрыторыі. Часам гэтыя гукі вельмі моцныя.

Каментары3

  • Самбист из деревни Александрия
    19.10.2026
    А где же супер-пупер бородатое ополчение лукашиское было? Почему лукашиские Рэмбо не сбивали дрон?
  • Зміцер
    19.10.2026
    Некалі далятаецца...
  • Слава Україні
    19.10.2026
    Сіпаты лукашенко трасугаз ізноу́ уключыу́ рэтранслятары...Украінцы больш валета папярэджваць ды казаць каб адключыу́ гэныя рэтранслятары не будуць!

    [Зрэдагавана]

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Уладзімір Мацкевіч: Пенсіі ў Літве ў мяне няма8

Кавалер збег са спаткання, не заплаціўшы за вячэру. Ці павінна дзяўчына аплачваць увесь рахунак?11

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку32

Трамп і Пуцін абмяркоўвалі вайну ва Украіне1

Інфапункты для беларусаў за мяжой створаць у Вільні, Варшаве і Познані. Колькі ў іх будзе супрацоўнікаў і хто стане плаціць заробкі?6

Украіна трэці раз з пачатку тыдня атакавала Крымскі мост1

Карціна Ван Гога прададзена з аўкцыёну за рэкордныя 190,4 мільёна даляраў2

Як згуляць у GTA 6, калі жывеш у Беларусі3

З 1 студзеня днём рух грузавікоў па МКАД плануюць забараніць

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць