Грамадства

«Так, распараджэнне адміністрацыі прыйшло». У Мінску масава здымаюць аб'явы пра масачны рэжым

Лукашэнка падчас нарады, прысвечанай каранавірусу, жорстка выказаўся: вакцынацыя і маскі толькі добраахвотна, ніякіх прымусаў. Праз некаторы час як мінімум у Мінску здымаюць налепкі, плакаты, аб’явы пра выкарыстанне масачнага рэжыму.

Чытачы масава паведамляюць «Нашай Ніве» пра тое, што інфармацыю аб абавязковым нашэнні масак і захоўванні дыстанцыі прыбіраюць адусюль: з заправак, грамадскага транспарту, крам.

Людзі пішуць, што нагадванне пра маскі экстранна прыбіраюць таксама з гукавых паведамленняў у транспарце.

На дзвярах многіх аўтобусаў, крам і аптэк ужо пазнікалі налепкі пра масачны рэжым.

Таксама па сталічных арганізацыях распаўсюджваецца ліст аддзела гандлю і паслуг Партызанскага раёна Мінска. 

У ім адміністрацыя раёна просіць прыбраць усе аб’явы, якія маюць рэкамендацыі аб захаванні масачнага рэжыму, якія былі раней размешчаныя ў аб’ектах гандлю, грамадскага харчавання, бытавых паслуг.

Выглядае як няўдалы жарт, фэйк нядобразычліўцаў ці проста фоташоп. Але гэта праўда.

У распараджэнне «Нашай Нівы» прадаставілі аўдыязапіс размовы з чыноўніцай таго самага аддзела гандлю. Жанчына пацвярджае — ліст сапраўдны.

«Гэта не жарт, сапраўды такое распараджэнне мы атрымалі. Адзінае, пакуль не бачылі саму пастанову. Аб’явы менавіта пра абавязковы масачны рэжым трэба прыбіраць.

Аб’явы рэкамендацыйнага характару пакінуць можна, калі чыста для сваіх наведнікаў, што рэкамендуеце насіць маску і захоўваць дыстанцыю, вось у такім плане. Падумайце, як сфармуляваць, шаблонаў у нас пакуль няма.

Цяпер цэнтр гігіены караць за абслугоўванне пакупнікоў без масак не будзе», — кажа чыноўніца.

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць