Грамадства

«Баліць — трындзец як». Ваданосава распавяла пра аперацыю і цяперашнюю рэабілітацыю

У канцы мая спявачка Кацярына Ваданосава даведалася, што ў яе рак малочнай залозы. Нядаўна ёй у Польшчы зрабілі аперацыю. У Instagram яна распавяла, як тая прайшла і як цяпер сябе адчувае.

Фота: kasiavadanosava / Instagram

Сезон постаперацыйнага чылаўту аб'яўляю адкрытым.

Адпусцілі дадому. У панядзелак — на перавязку, агляд і заняткі па рэабілітацыі і распрацоўцы рукі.

Што я вам скажу: аперацыя — фігня. Падчас аперацыі ты спіш, і табе нармальна. Мне, напрыклад, снілася пад наркозам, што я ем бутэрброды з джэмам. Потым, пакуль праз катэтар табе шпуляюць стопіццот кропельніц, у тым ліку і анаболікаў, таксама ок.

Бальнічныя ложкі ўпраўляцца пульцікамі: захацела — на кнопачку націснула, і спінку падняла, захацела — апусціла, а ногі, наадварот, задрала, — кайф. А ў кватэры, на раскладной гаўняцкай канапе — быццам аскезу на сябе ўскладаеш… Але любы мінус можна ператварыць у плюс: напрыклад, паныць і выпрасіць у мужа шэзлонг на гаўбец)) Цяпер сяджу як хамаватая памешчыца са старарэжымных раманаў, пледам укрытая, у піжаме, гляджу на свет з вышыні свайго становішча)

Пасля аперацыі вечарам страціла прытомнасць у прыбіральні, упала, ударылася аб ракавіну, цяпер дома агледзела сябе, як магла — мамачкі! Пабітая галава, усё плячо сіняе, на правым паўдуп'і — гематомішча… Прайграла бой тубзіку.

Дрэнажны шланг, ушыты пад скуру замест выразанага лімфавузла, муляе яшчэ. Пару разоў забывалася, што на яго канцы — бутэлька, куды сцякае лімфакрывяная вадкасць з мяне (адзін сябар назваў гэта «ваданосавы сок»: як бярозавы, толькі ванітоўна-брыдкі), і валачыла за сабой гэты канструкт, як каціны хвост з бляшанкай на канцы.

Новая грудзь пакуль разы ў два большая за старую. Усе кажуць, што прыгажэйшая, і прапануюць зрабіць, каб правая, старая, была такога ж памеру. А я чакаю, пакуль спадзе ацёк, і вернецца мой мілы добры памер А, з якім можна хоць на батуце скакаць, хоць мадэлькай быць: пасуе ўсё і сядзіць цудоўна, як на вешалцы.

Сама хадзіць пакуль не магу. Такое адчуванне, што замест раку мяне заразілі хваробай Паркінсона.

Карацей, усё нармальна. Шоў выглядае прыгожа, нітачкі з яго тырчаць блакітныя, ёд вакол скуру пафарбаваў у залаты — прама як мілы сэрцу сцяг [украінскі], і акурат каля сэрца.

А насамрэч баліць — трындзец як. І з трубкай гэтай з цела, можа, яшчэ месяц хадзіць. І аперацыя — гэта толькі пачатак. Але час, здаецца, ёсць. Так што свой марафон прайсці, спадзяваюся, паспею.

Спявачка Кацярына Ваданосава — пра рак і думкі пасля пастаноўкі дыягназу

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць