Кіно

«Сябар сям’і» (A Friend of the Family) — самая ўражальная крымінальная гісторыя, што толькі можна сябе ўявіць

У аснове гэтага серыяла ляжыць рэальная гісторыя — хоць, калі яе чуеш, здаецца, гэта нейкі сюр, піша Guardian.

Фота: кадр з афіцыйнага трэйлера

У сям’і Бробергаў з’явіліся новыя сябры — Боб і Гейл Берхтальды, суседзі. З цягам часу Боб робіцца апантаны 12-гадовай Джэн, дачкой Бробергаў.

Ён выкрадаў яе двойчы. Першы раз гэта здарылася ў 1974 годзе, тады Берхтальд утрымліваў яе на працягу месяца і з дапамогай складанай схемы ўпэўніў дзяўчыну, што іх скралі іншапланетнікі. Маньяк зрабіў магнітафонны запіс, які ўключаў для Джэн, калі накачаная наркотыкамі дзяўчына была прывязаная да ложка ў яго доме, і ад імя «прышэльцаў» расказаў нявольніцы ў запісе: яна — напалову іншапланетніца і павінна працягнуць род, каб выратаваць сваю іншапланетную расу. За той месяц Джэн паверыла ў гэтую гісторыю.

Калі Джэн вярнулася ў сям’ю, яе бацькі працягвалі дружыць з Берхтальдамі. Бацька дзяўчыны баяўся, што стане вядома пра яго гомасэксуальную сувязь з Бобам, а маці Джэн сама завяла раман з гэтым маньякам.

І праз два гады Берхтальд скраў Джэн другі раз.

У 2003 годзе, праз 29 гадоў пасля тых падзей, Джэн і яе маці выпусцілі кнігу пра тыя падзеі, пазней выйшаў дакументальны фільм. А серыял «Сябар сям’і» спрабуе знайсці адказ на пытанне, як, чаму гэта ўвогуле было магчыма.

Пасля выхаду дакументалкі бацькоў Джэн актыўна крытыкавалі за тое, што яны не абаранілі сваёй дачкі, паддаліся маніпуляцыям Берхтальда, прымусілі яе гадамі пакутаваць і, як мінімум, чаму не абарвалі ўсё сувязі з Берхтальдам пасля першага выкрадання.

У серыяле паказваюць, чаму і як такое можа здарацца.

Джэйк Лэйсі, які грае Боба Берхтальда, хавае сваю апантанасць Джэн за маніпуляцыямі і паўпраўдай, і маніпулюе таксама і сваёй жонкай, калі трэба прыкрыццё. Бацькі Джэн трапляюць у сплеценыя маньякам сеткі, бо іх паралізуе страх таго, «а што скажуць людзі». Даверлівасць парою робіць нас бездапаможнымі. 

Але перш за ўсё гэта дэталёвы разбор таго, як усё няпроста бывае часам у жыцці вакол нас і наколькі драпежнікі мэтанакіраваныя ў дасягненні сваіх брудных мэтаў, як далёка яны гатовыя пайсці, пры гэтым міла ўсміхаючыся.

Рэйтынгі на вялікіх сусветных рэсурсах:

IMDB — 7,1/10

Rotten Tomatoes — 90%

Што паглядзець. «Клеа» — серыял пра агентку Штазі

Што паглядзець. Адкрыйце для сябе Гадара

Што паглядзець. «Тэгеран» — папулярны шпіёнскі серыял, які вы маглі прапусціць

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць