Эканоміка

Апублікавалі рэйтынг акцыянерных таварыстваў, па-за канкурэнцыяй банкі

Рэйтынгавае агенцтва BIK Ratings сумесна з інвестыцыйнай кампаніяй AIGENIS правялі маштабнае даследаванне беларускіх ААТ і склалі рэйтынг самых лепшых і эфектыўных арганізацый краіны. Расказваем, каму дасталіся першыя месцы.

У рэйтынг увайшлі 100 кампаній і прадпрыемстваў з Беларусі. Кожнай арганізацыі прысвойвалася ад 0 да 100 балаў па такіх паказчыках, як:

  • Эфектыўнасць і прыбытковасць. 
  • Ліквіднасць акцый. 
  • Дынаміка сярэдняга біржавога кошту адной акцыі. 
  • Дынаміка росту эмітэнта. 

Затым з ужываннем вагавых каэфіцыентаў і метадаў нармалізацыі гэтыя балы сумаваліся для вылічвання агульных адзнак.

У выніку першыя 10 месцаў у рэйтынгу занялі:

  1. ААТ «Прыёрбанк».
  2. ААТ «АСБ Беларусбанк».
  3. ААТ «Сбербанк».
  4. Будаўніча-прамысловае ААТ «Брэстгазаапарат».
  5. ААТ «Белэнергарэмналадка».
  6. ААТ «Магазін № 45. Спажывецкія тавары».
  7. Сумеснае ААТ «Гомелькабель».
  8. ААТ «Гомельская мэблевая фабрыка «Прагрэс».
  9. ААТ «Бабуліна крынка».
  10. ААТ «Цяпліцмантаж».

Даследаванне паказвае, што першыя тры прызавыя месцы займаюць найбуйнейшыя банкі Беларусі, сярод якіх лідарам рэйтынгу з'яўляецца ААТ «Прыёрбанк». Характэрна, што яго ўласніца — адна з даччыных структур аўстрыйскай банкаўскай групы Raiffeisen Bank International, якая да гэтага часу мае вельмі цесныя сувязі з Расіяй і размяшчае у сябе звыш 20 млрд еўра расійскіх укладаў (што нядаўна выклікала адкрытыя падазрэнні з боку санкцыйных органаў ЗША і Еўропы).

Усяго ў Беларусі, паводле праведзенага аналізу, цяпер існуе каля 2048 адкрытых акцыянерных таварыстваў (звесткі за студзень 2023 года). 

Пры гэтым іх колькасць ужо тры гады няўхільна зніжаецца: Беларусь з 2020 года страціла 241 ААТ ці 3,6% ад агульнай колькасці на той момант (2289).

Як стала вядома, за 2022 год толькі 163 адкрытыя акцыянерныя таварыствы здзяйснялі біржавыя аперацыі са сваімі акцыямі. Таксама статыстыка паказала, што на дадзены момант сярод дзвюх тысяч ААТ толькі 137 арганізацый устойліва плацежаздольныя. У той жа час публічная фінансавая справаздачнасць ёсць толькі ў 142 кампаній.

Аўтары даследавання падкрэсліваюць, што ўся інфармацыя для аналізу была ўзятая з публічных крыніц, а сама справаздача не тычылася нярынкавых фінансавых аперацый кампаній.

З поўнай версіяй даследавання можна таксама азнаёміцца ​​тут.

Чытайце яшчэ:

ЗША пашырылі спіс тавараў, якія забаронена экспартаваць у Беларусь і Расію. Там смартфоны і бытавая тэхніка

Статусбанк прыпыніў магчымасць адкрыцця бягучых рахункаў у еўра

Расія спыніла пастаўкі нафты ў Польшчу

Каментары

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць