Грамадства44

ААЦ пачаў пазбаўляць «экстрэмісцкія» СМІ даменнага імя ў Беларусі — БАЖ

Змаганне з незалежнымі СМІ ў Беларусі выходзіць на новы этап, піша на сваім сайце Беларуская асацыяцыя журналістаў.

Фота: pexels.com

Беларускай асацыяцыі журналістаў стала вядома пра нядаўнюю ініцыятыву Аператыўна-аналітычнага цэнтра пры Лукашэнку, каб ануляваць запіс аб рэгістрацыі даменнага імя аднаго з папулярных выданняў на падставе нібыта «няпройдзенай праверкі» даных яго ўладальнікаў.

Назву рэсурса БАЖ не называе, але падкрэслівае, што ён «прайшоў увесь пакручасты шлях у збіранні «рэгалій» з боку дзейнага рэжыму — ад блакавання сайта да прызнання «экстрэмісцкім фарміраваннем». 

Сутнасць прэтэнзій утрымлівае ліст з пазнакай «ануляванне запісу аб рэгістрацыі», прадубляваны ўладальніку даменнага імя і рэгістратару ў асобе ТАА «Надзейныя праграмы». Намеснік начальніка кантрольнай установы Сяргей Жарнасек у гэтым лісце фактычна канстатуе кулуарнае рашэнне аб пазбаўленні права на інтэрнэт-старонку праз асабістыя падазрэнні.

«На падставе ліста ААЦ праз электронную пошту ўладальніка даменнага імя былі запатрабаваныя дакументы аб пацвярджэнні шляхам асабістага наведвання офіса рэгістратара дакладнасці звестак, унесеных у базу, уключна з дзяржаўнай рэгістрацыяй, месцам знаходжання (паштовы адрас), а таксама звестак пра кіраўніка. Пры гэтым растлумачана, што адсутнасць запытанай інфармацыі будзе парушэннем патрабаванняў інструкцыі аб рэгістрацыі ў нацыянальнай даменнай зоне.

У сувязі з непадачай звестак у вызначаны тэрмін ТАА «Надзейныя праграмы» праінфармавала адміністратара аб парушэнні патрабаванняў пункта 27 інструкцыі і запатрабавала ліквідацыі парушэння. У названы тэрмін дакументы, якія пацвярджаюць дакладнасць звестак, так і не былі пададзеныя», — адзначаецца ў дакуменце. 

Рэдакцыі інтэрнэт-выдання і «Надзейным праграмам» ААЦ даслаў ліст з просьбай пацвердзіць звесткі арганізацыі ў асабістым кабінеце хостара.

Што ў іх «няправільна», не пазначана, і гэта з’яўляецца юрыдычным парушэннем. Але пры гэтым было запатрабавана падаць звесткі асабіста, што таксама не прадугледжваецца ніякімі нормамі. 

У сваю чаргу, у офісе «Надзейных праграм» адрэагавалі на патрабаванне ААЦ і следам даслалі ліст з пунктамі інструкцыі аб неабходнасці пазначэння дакладных звестак, а таксама расказалі пра наступствы ў выпадку ігнаравання.

Не зважаючы на нарматыўныя нестыкоўкі, на падставе выкладзенага ў лісце і на падставе пункта 54 унутранай інструкцыі Аператыўна-аналітычны цэнтр прыняў рашэнне, нават без звароту да паслуг суда: 

— ануляваць запіс аб рэгістрацыі даменнага імя;

— забяспечыць арганізацыйна-тэхнічныя меры для выканання рашэння.

Кіраўніцтва рэдакцыі спрабавала змагацца, звяртаючы ўвагі на розныя нестыкоўкі, падавала скаргу на імя начальніка Аператыўна-аналітычнага цэнтра Андрэя Паўлічэнкі. Але ў сучаснай Беларусі гэта зусім не працуе.

Як канстатуе БАЖ, згаданы кейс мусіць паказаць, якія новыя тэхнічныя інструменты ў змаганні з іншадумствам ужо гатовы масава задзейнічаць рэжым Лукашэнкі.

Каментары4

  • Справка
    24.04.2023
    [Рэд. выдалена]
  • Woodoo Cult
    24.04.2023
    [Рэд. выдалена]
  • даведка
    24.04.2023
    «Еврорадио» спокойно себе использует зеркало в зоне BY, оформленное через посредника из Австралии.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць