Кіно

Фільмы Мікіты Лаўрэцкага з'явіліся ў анлайн-кінатэатры Vodblisk

1 жніўня фільмы Мікіты Лаўрэцкага папоўнілі медыятэку анлайн-кінатэатра Vodblisk. Адмыслова для паказу на платформе рэжысёр адабраў фільмы «To Ruth», «Беларускі псіхапат», «Забойства на Алібегава», якія ў нечым пераклікаюцца паміж сабой, — атрымалася цікавая тру-крайм трылогія.

Кадр з фільма «Беларускі псіхапат»

Мікіта Лаўрэцкі спецыялізуецца на здымках кіно амаль без бюджэту, дзякуючы чаму рэжысёр выпускае новыя працы па некалькі разоў на год і можа лічыцца адным з самых «пладавітых» беларускіх рэжысёраў. Пры гэтым ён — заўсёднік кінафестываляў, чым даказвае, што кіно без бюджэту таксама можа быць у цэнтры ўвагі і быць ацэненым прафесіяналамі кінематографа. Пачынаючы з 2020 года яго дысідэнцкія фільмы, якія сціраюць мяжу паміж ігравым і дакументальным кіно, паказвалі на «Артдакфэсце», Filmadrid, DAFilms і Doclisboa. Фільмы рэжысёра вылучаюцца арыгінальнымі сюжэтамі і незвычайнай рэалізацыяй. Сам Мікіта Лаўрэцкі сябе называе заснавальнікам новага руху «Беларускае скончанае кіно».

Характэрна, што ўсе тры фільмы, пра якія пойдзе гаворка, створаныя ў розныя гады пачынаючы з 2012 года, то бок цікавасць рэжысёра да жанру тру-крайм з’явілася яшчэ да хвалі яго папулярнасці.

Фільм «To Ruth»

Ігравы фільм «To Ruth» быў створаны ў 2012 годзе, у самым пачатку творчага шляху Мікіты. Гэта кароткаметражная гісторыя безнадзейнага кіберкахання створаная па матывах рэальнага ананімнага блога сталкера, які пераследаваў улюбёную youtube-блогерку. Галоўную ролю выконвае сам рэжысёр, як і ў большасці сваіх фільмаў. Саўндтрэк, які трымае ў напружанні на працягу ўсёй стужкі, сабраны з кампазіцый, якімі з рэжысёрам падзяліліся ананімныя музыкі.

Стужка «Беларускі псіхапат»

Стужка «Беларускі псіхапат» 2015 года расказвае пра Дзіму, які з нагоды свайго дня нараджэння вырашае зладзіць вечарынку, галоўная мэта якой — пазбавіцца цнатлівасці. Гэты фільм — вольны перанос на беларускую глебу маніфеста амерыканскага масавага стралка Эліята Роджэра. Рэжысёр нібы задаўся пытаннем: што будзе, калі на адной дачы пакінуць інцэла-псіхапата і трох малазнаёмых дзяўчын? У адказе на яго глядач убачыць нетыповае і своеасаблівае, але арыгінальна зробленае кіно, якое прымушае даглядзець, каб даведацца, што будзе ў канцы.

Тыкток-серыял «Забойства на Алібегава»

Самае гучнае мінскае злачынства апошніх гадоў становіцца асновай для постыранічнага тыкток-серыяла «Забойства на Алібегава». Ігравы фільм змантаваны з сабраных разам тыктокаў пра жыццё поліаморнага трыа: Эвеліны, Мікіты і Лёшы. У зразумелым і звыклым фармаце тыктоку гледачу раскажуць гісторыю, як поліаморныя стасункі заканчваюцца падвойным забойствам.

Фільмы «To Ruth», «Беларускі псіхапат», «Забойства на Алібегава» можна паглядзець, набываючы асобна, доступ да аднаго фільма каштуе 5$. 

Фільм будзе даступны 30 дзён з моманту першага прагляду, глядзець яго можна любую колькасць разоў. 

Гледачы, якія знаходзяцца на тэрыторыі Беларусі, могуць глядзець бясплатна ўвесь рэпертуар медыятэкі VODBLISK у 2023 годзе.

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць7

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі9

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

Бяляцкі: На чарговым сходзе «Вясны» складу з сябе паўнамоцтвы3

Вызваленне Курскай вобласці каштавала расіянам 20 тысяч жыццяў. І гэта без уліку паўночнакарэйцаў

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць7

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць