Грамадства1212

Сёння праходзіць марафон «Змагайся як беларуска!», прысвечаны трэцяй гадавіне жаночых маршаў

12 жніўня, у трэцюю гадавіну пачатку жаночых маршаў, праходзіць вялікі дыскусійны стрым з удзелам выбітных беларусак, прысвечаны Дню салідарнасці з жаночымі пратэстамі супраць гвалту ў Беларусі. Пачатак а 14-й гадзіне.

12 жніўня 2020 года, у сераду, у розных частках Мінска з'явіліся жанчыны ў белым з кветкамі ў руках. Гэта быў жаночы пратэст супраць гвалту, які на той час чацвёрты дзень працягваўся на вуліцах горада і ў турме на Акрэсціна.

З таго часу жаночыя акцыі сталі рэгулярнымі, яны праводзіліся ў суботы. У панядзелкі на мінскія вуліцы выходзілі пенсіянеры. Паралельна ў Мінску адбылося 11 масавых, шматтысячных нядзельных шэсцяў.

З нагоды трэцяй гадавіны першага выхаду жанчын на вуліцы сталіцы тэлеканал «Белсат» ладзіць спецыяльны марафон. У паведамленні арганізатараў гаворыцца:

«12 жніўня, у трэцюю гадавіну жаночых маршаў, мы ў межах праграмы «Трэба пагаварыць» пры падтрыманні канала «Белсат» правядзём вялікі дыскусійны стрым. Адзначым Дзень салідарнасці з жаночымі пратэстамі супраць гвалту ў Беларусі.

Мы будзем гаварыць пра тое, што адчуваем на трэці год пасля Рэвалюцыі. Пра наш гнеў, нянавісць і расчараванне. І таксама пра нашу надзею і нашу рашучасць. Тры гады таму мы выйшлі супраць дубінак з кветкамі і заклікам да міру. Якім будзе наш наступны выхад? Разам успомнім пацярпелых за сваю пазіцыю і паспрабуем адрэфлексаваць нарэшце гэтае пытанне: кветкі ці кулі?»

Стрым пройдзе 12.08 на YouTube-канале «Белсат LIFE». Пачатак а 14-й паводле мінскага часу.

Удзел у дыскусіі возьмуць вядомыя беларускі: Аліна Коўшык, Яўгенія Доўгая, Наталля Хершэ, Юліяна Шэметавец, Наста Базар, Вольга Шпарага, Вольга Ланеўская, Марыя Касінерава, Наста Роўда, Наталля Задзяркоўская. Спіс удзельніц не канчатковы, ён можа дапаўняцца.

Каментары12

  • саша
    12.08.2023
    Молодцы таракан вами доволен. Больше цветов и призывов к миру - так удобнее.
  • Юзік са станцыі Крулеўшчына
    12.08.2023
    Гадоў 20 таму, ці болей, часта можна было прачытаць пра нейкае даследаванне, ці як там яго назваць, што беларуская нацыя па ментальнасці -- жаночая.
    А што бабам патрэбна? Мужыка са стальнымі яйцамі і хазяіна!
    Ды, ў прынцыпе, так і атрымалася! Я нічога не забыўся, памятаю! Селі мы з сябрам на ровары з цэлымі торбамі ўлётак "За" Пазьняка і паехалі па вакольных вёсках... Ну, і з кім мы мелі справу??? У 100 адсоткаў -- з жанчынамі! Менавіта яны выходзілі з хаты, калі ўбачылі візіцёраў ля паштовай скрыні. Менавіта яны ўступалі ў дыскусію... -- Ды мы будзем галасаваць за свайго мальца, за калхознічка, за Лукашэначку! За хазяіна! Вось ён -- малец, усім мальцам малец! Усяму жуллю дасць прасрацца! Усіх перасадзіць!
    І так у кожнай вёсцы!
    А дзе былі мужыкі? А мы іх і не бачылі! Можа, дзе пілі! Ці вымерлі ўжо ўсе! І, ўрэшце, а хто тыя члены выбарчых камісій? 99 адсоткаў -- жанчыны!
    Будзеце вечна хадзіць з кветкамі!
  • Мойша
    12.08.2023
    Юзік са станцыі Крулеўшчына, ёсць такая думка ці тэорыя што гітлераў абіраюць менавіта жанчыны і гэта праўда бо слабое цягнецца да моцнаша, інь і янь і так далей.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць7

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі9

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

Бяляцкі: На чарговым сходзе «Вясны» складу з сябе паўнамоцтвы3

Вызваленне Курскай вобласці каштавала расіянам 20 тысяч жыццяў. І гэта без уліку паўночнакарэйцаў

У Варшаве ў кватэру беларускі ўварваўся ўкраінец, паваліў на падлогу і забраў дарагую сумачку9

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць7

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць