Здароўе

Мікрапластык можа трапляць у мозг і выклікаць змены ў паводзінах — новае даследаванне

Мышы падвяргаліся ўздзеянню мікрапластыку ў пітной вадзе. Вынікі выклікаюць сур'ёзную трывогу ў навукоўцаў.

Фота: vecteezy

Наша планета заваленая адкідамі з пластыка. Ён разбураецца і становіцца мікрапластыкам — малюсенькімі кавалачкамі памерам менш за 5 мм. У новым даследаванні, вынікі якога былі апублікаваныя ў International Journal of Molecular Science, навукоўцы паспрабавалі зразумець доўгатэрміновы ўплыў мікраспластыка на здароўе. І вынікі гэтыя, мякка кажучы, выклікаюць трывогу.

Даследчыкі з University of Rhode Island падвяргалі мышэй уздзеянню розных ўзроўняў мікрапластыку праз пітную ваду, каб даследаваць уплыў на паводзіны і тое, як ён назапашваецца ў арганізме. Даследчыкі заўважылі, што мікрапластык назапашваўся ў тканках розных органаў, у тым ліку па-за межамі стрававальнай сістэмы мышэй. 

Даследчыкі кажуць, што былі здзіўленыя, убачыўшы, колькі мікрапластыку назапасілася з цягам часу. Так ён апынуўся не толькі ў цэнтры стрававальнага тракта, але і ў яго тканках. Навукоўцы знайшлі яго як у фекаліях жывёлаў (што зусім не дзіўна), але і глыбока ўнутры клетак печані, селязёнкі і нырак, а таксама ў мозгу. 

Паколькі пластык быў знойдзены ў самых розных органах, гэта азначала, што шмат кавалачкаў праглынутага мікрапластыку трапіла ў кроў. Гэта дазволіла яму прабіцца ў органы за межамі стрававальнага тракта.

Каманда даследчыкаў таксама вывучыла змены ў паводзінах мышэй. Пасля трох тыдняў ужывання забруджанай вады мышэй пратэставалі. Жывёлы даследавалі слаба асветленую камеру на працягу 90 хвілін, а іх спантанныя рухі ў гэты час адсочваліся даследчыкамі, распавядае Gizmodo.

Звычайна мышы не стаяць у чаканні, пакуль іх схопіць драпежнік. Яны адчуваюць сябе ў большай бяспецы ўздоўж сценак камеры. Падчас тэста мышы, якія мелі большую канцэнтрацыю мікрапластыку ў сваёй вадзе, з большай верагоднасцю апыналіся на «адкрытай прасторы», а іх рухі былі больш бязладнымі і хаатычнымі ў параўнанні з мышамі, якія не падвяргаліся ўздзеянню, а таксама тымі, якія мелі меншае ўздзеянне мікрапластыку. Гэта было асабліва прыкметна ў старых мышэй.

Адрозненні ў паводзінах выклікалі трывогу, асабліва таму, што мышы прымалі павышаныя дозы мікрапластыку ўсяго толькі тры тыдні.

Фота: vecteezy

Таксама даследчыкі заўважылі запаленне ў галаўным мозгу жывёлаў і зафіксавалі зніжэнне гліяльнага фібрылярнага кіслага бялку (таксама вядомага як GFAP). Гэты бялок падтрымлівае клеткавыя працэсы ў галаўным мозгу, а яго ніжэйшы ўзровень звязаны з раннімі стадыямі некаторых нейрадэгенератыўных захворванняў, уключаючы мышыныя мадэлі хваробы Альцгеймера.

Каманда не чакала настолькі дрэнных вынікаў і цяпер мае намер правесці дадатковыя даследаванні, каб лепей зразумець ролю мікрапластыку ў неўралагічных разладах і захворваннях, жыццёвы цыкл мікрапластыку ў арганізме і наколькі ён можа ўплываць на здольнасць мозгу падтрымліваць гамеастаз.

Навукоўцы спадзяюцца, што гэтую нядаўна апублікаваную працу можна аб'яднаць з іншымі намаганнямі па барацьбе з забруджваннем, каб паступова адмовіцца ад непатрэбных пластыкавых вырабаў. Даследчыкі кажуць, што даўно трэба перагледзець, якія віды пластмас мы выкарыстоўваем і ад якіх можам адмовіцца, асабліва калі размова ідзе пра аднаразовыя вырабы, кшталту пластыкавых пакетаў ці посуду. Таму наступным разам, калі будзеце браць у краме пластыкавы пакет, каб пакласці туды пакупкі, падумайце тройчы.

Каментары

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць