Свет11

ХАМАС маніць? Прадстаўнік Ізраіля паставіў пад сумнеў колькасць загінулых у Газе

Прадстаўнік ізраільскага ўрада заявіў, што сумняваецца ў дакладнасці лічбаў загінулых, якія агучылі палесцінскія ўлады ў сектары Газа, і абвінаваціў ХАМАС у іх завышэнні.

Афір Гендээльман Ofir Gendelman Офир Гендельман
Палесцінцы разбіраюць разваліны будынкаў пасля ракетнага ўдару Ізраіля. Газа, 27 кастрычніка 2023 года. Фота: AP Photo / Abed Khaled

У інтэрв'ю каналу «Аль-Арабія» афіцыйны прадстаўнік прэмʼер-міністра Ізраіля для арабскіх медыя Афір Гендэльман (Ofir Gendelman) параіў арабскім і заходнім СМІ не верыць лічбам, якія агучваюць баевікі, што кантралююць сектар Газа.

Паведамляецца, што падчас жывога эфіру з Гендэльманам «Аль-Арабія» атрымала інфармацыю аб тым, што Міністэрства аховы здароўя Газы паведаміла імёны і ідэнтыфікацыйныя нумары звыш сямі тысяч ахвяр, што загінулі з той пары, як Ізраіль пачаў бамбардзіроўку сектара Газа.

У адказ Гендэльман запатрабаваў доказы і заявіў: «Гэта спіс імёнаў і ідэнтыфікацыйных нумароў, але дзе трупы? Дзе доказы? Мы можам даць вам 10 тысяч імёнаў і 100 тысяч імёнаў, але гэта не даказвае, што яны былі забітыя…. ХАМАС ілжэ. Ён фабрыкуе факты, каб падтрымаць свае гісторыі».

Сама ж палесцінская адміністрацыя, па словах афіцыйнага прадстаўніка прэмʼер-міністра Ізраіля, «не карыстаецца даверам», а «ХАМАС завышае лічбы і сцвярджае, што ўсе, хто загінуў, мірныя жыхары».

«Колькі тэрарыстаў было забіта? ХАМАС прызнаў, што нехта з яго тэрарыстаў быў забіты? Не. Таму што так спрабуюць паказаць усіх ахвяр як нявінных цывільных асоб», — цытуе «Аль-Арабія» словы Гендэльмана.

«Адкуль гэтыя звесткі? Ад Міністэрства аховы здароўя <…> якое выконвае загады Міністэрства інфармацыі ХАМАС, і прэс-сакратара тэрарыстаў, якія належаць да ХАМАС. Незалежных даных няма», — заявіў Гендэльман.

На пытанне, ці лічыць ён дакладнымі даныя аб загінулых, апублікаваныя міжнароднымі арганізацыямі або Арганізацыяй Абʼяднаных Нацый, Афір Гендэльман сказаў, што ўсе падпарадкоўваліся загадам ХАМАС.

«Яны баяцца ХАМАС. У шэрагу выпадкаў прадстаўніцтвы міжнародных арганізацый складаюцца з палесцінцаў, якія належаць да ХАМАС».

Паводле слоў Гендэльмана, менавіта ХАМАС, а не Ізраіль павінен папрасіць прабачэння за гібель палесцінцаў.

Як адзначае «Аль-Арабія», каментары Гендэльмана прагучалі праз дзень пасля таго, як прэзідэнт ЗША Джо Байдэн заявіў, што «не ўпэўнены ў лічбах, якія выкарыстоўваюць палесцінцы» для вызначэння колькасці загінулых у сектары Газа, які знаходзіцца пад кантролем ХАМАС».

Чытайце яшчэ:

ХАМАС паведаміў пра смерць 50 закладнікаў

Байдэн: Палесціна і Ізраіль павінны існаваць мірна ў якасці дзвюх незалежных краін

У сектары Газа зніклі сем агентаў знешняй разведкі Расіі. Сувязі з імі няма амаль з пачатку вайны ў Ізраілі

Каментары1

  • Iwut, small Iwut
    28.10.2023
    Холокост палестинцев, ежедневное, сейчас продолжающееся, убийство тысячами палестинцев, мирных жителей, стариков, женщин, детей - израильский режим зверствами не считает. Зверство – это когда неевреи, «гои» пытаются сопротивляться террору?

Цяпер чытаюць

Ці пагражае Крыму блакада праз паралізаваны Крымскі мост?6

Ці пагражае Крыму блакада праз паралізаваны Крымскі мост?

Усе навіны →
Усе навіны

У Камышавасе завяршыўся пошук цел. У выніку расійскага ўдару там загінулі 72 чалавекі

«Госпадзе, такое трызненне!» Усё больш беларусак пішуць, што ім званілі з міліцыі і пыталіся, ці жывыя яны2

Падлеткі п'юць лекі ад раку, каб стаць вышэйшымі. Дактары б'юць трывогу

Нямецкія футбольныя клубы пачалі абмяжоўваць смартфоны на стадыёнах

Расія атакавала балістычнымі ракетамі Паўночны і Паўднёвы масты Кіева2

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

больш чытаных навін
больш лайканых навін

Ці пагражае Крыму блакада праз паралізаваны Крымскі мост?6

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць