Свет

ФСБ з пачатку года забіла пры затрыманні 14 чалавек, якіх падазравалі ў падрыхтоўцы дыверсій

Федэральная служба бяспекі (ФСБ) адсправаздачылася пра раскрыццё «агентурнай групы ўкраінскіх спецслужбаў, якія рыхтавалі дыверсійна-тэрарыстычныя акты» ў Расіі, піша Moscow Times.

Фота: nac.gov.ru

Па выніках аператыўных мерапрыемстваў у Майкопе (Адыгея), Ціхарэцку (Краснадарскі край), Кізляры (Дагестан) і Растове-на-Доне затрымалі чатырох чалавек.

«Яшчэ двое, якія аказалі ўзброенае супраціўленне, былі ліквідаваныя зваротным агнём», — заявілі ў ФСБ.

Такім чынам, колькасць падазраваных, забітых супрацоўнікамі спецслужбы падчас затрымання з пачатку 2026 года, павялічылася да 14, а з моманту ўварвання Расіі ва Украіну — да 89. Падлік вядзецца з улікам даных, раней выданнем «Важные истории».

Паводле версіі ФСБ, затрыманыя і ліквідаваныя ў лістападзе «агенты» ваеннай разведкі (ГУР) і Службы бяспекі Украіны (СБУ) рыхтавалі атакі на караблі ў Каспійскім моры, ваенныя аэрадромы і аб'екты інфраструктуры.

Як сцвярджаецца, для гэтага з пачатку 2026 года ім перадалі больш за 700 кілаграмаў выбухоўкі «заходняй вытворчасці», не менш за 40 ударных квадракоптараў, шэсць гідрацыклаў, а таксама дэталі і абсталяванне для зборкі баявых беспілотнікаў. Паводле звестак ФСБ, частку грузаў пераправілі ў Расію з дапамогай метэазондаў і БПЛА, а гідрацыклы даставілі праз «трэція краіны».

У ведамстве заявілі, што водныя матацыклы планавалі пераабсталяваць у безэкіпажныя катэры і аснасціць выбухоўкай магутнасцю да 60 кілаграмаў у трацілавым эквіваленце, каб затым атакаваць караблі ў Каспійскім моры.

FPV-дроны з кіраваннем праз валаконна-аптычны кабель збіраліся размясціць у прыватных дамах у Адыгеі і Краснадарскім краі. Іх мэтамі павінны былі стаць ваенныя аэрадромы, крытычная інфраструктура і аб'екты жыццезабеспячэння, дадалі ў ФСБ.

Сілавікі ацанілі выдаткі ўкраінскіх спецслужбаў на падрыхтоўку аперацыі як мінімум у 2,5 млн даляраў.

У ФСБ сцвярджаюць, што з боку СБУ яе каардынаваў намеснік кіраўніка Цэнтра спецыяльных аперацый «А» Мікалай Ульяніцкі, а з боку ГУР — генерал-маёр Георгій Лордкіпанідзэ.

Апошні — былы паплечнік экс-прэзідэнта Грузіі Міхаіла Саакашвілі, які займаў пры ім пасаду міністра ўнутраных спраў. У 2015 годзе ён атрымаў украінскае грамадзянства і ўзначаліў міліцыю Адэскай вобласці, а пасля пачатку вайны ў 2022 годзе быў прызначаны намеснікам дырэктара контрвыведкі Украіны.

Каментары

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

Трамп лічыць, што Пуцін ва Украіне мог бы дзейнічаць і больш жорстка12

Сталі вядомыя падрабязнасці разбойнага нападу з пісталетам у Мінску1

Роберт Патынсан стане новым Джэймсам Бондам2

Трамп: Я нічога не чуў пра запаволенне Starlink ва Украіне4

Стыхійныя горкі для цюбінгу ў Мінску будуць засыпаць пяском

У продажы з'явіўся заменнік Nesquik ад «Савушкавага»2

У Мексіцы памёр адзін з найбуйнейшых наркабаронаў у гісторыі4

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

больш чытаных навін
больш лайканых навін

Крымскі мост зруйнаваны ўдарам украінскіх ракет35

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць