Вайна11

УСУ распавялі, што ў маі 2023 года за пяць хвілін збілі пяць расійскіх верталётаў і самалётаў над Бранскай вобласцю

Спікер Паветраных сіл УСУ Юрый Ігнат у інтэрвʼю выданню «Навінарня» заявіў, што ўкраінскія вайскоўцы ў маі 2023 года пры дапамозе ЗРК Patriot на працягу пяці хвілін збілі адразу пяць расійскіх самалётаў і верталётаў над Бранскай вобласцю.

Спікер Паветраных сіл УСУ Юрый Ігнат

«Гэта была бліскучая аперацыя пад кіраўніцтвам камандуючага Паветранымі сіламі. Дзякуючы нестандартным рашучым дзеянням падраздзялення ЗРК Patriot за пяць хвілін знішчылі адразу пяць бартоў на бранскім напрамку, адкуль яны тады бамбавалі кіраванымі авіябомбамі нашы паўночныя рэгіёны», — кажа Ігнат. 

Паводле яго слоў, размова ідзе аб знішчальніках Су-34 і Су-35, двух верталётах Мі-8МТПР-1 і яшчэ адным верталёце Мі-8.

Крушэнне групы самалётаў і верталётаў у Бранскай вобласці адбылося 13 мая. Па інфармацыі «Коммерсанта», былі страчаныя два верталёты Мі-8 і самалёты Су-34 і Су-35. Іх экіпажы загінулі — паводле звестак СМІ, агулам ад дзевяці да адзінаццаці чалавек.

Дзяржаўныя расійскія СМІ і ўлады практычна цалкам праігнаравалі тое, што адбылося. Афіцыйна ў Бранскай вобласці прызналі страту толькі аднаго верталёта, а пра загінулых нават не казалі. 16 мая ў сацсетках зʼявілася паведамленне, што ў Бранскай вобласці шукаюць цела другога пілота, і ўлады просяць мясцовых дапамагчы.

Інфармаваны расійскі тэлеграм-канал Fighterbomber, які спецыялізуецца на пытаннях авіяцыі, тады пісаў пра чатыры барты, збітыя за адзін дзень у Бранскай вобласці. «Такіх страт нашай авіяцыі як сёння, не было з сакавіка мінулага года», — пісаў расійскі канал.

Каментары1

  • Жыве
    27.11.2023
    Слава ўкраінскім ваярам, слава амерыканскай зброі, дзякуй за Patriot, дзякуй усім краінам, што дапамагаюць вышвырнуць карычневы рашызм назад у расею.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць