Здароўе11

Часнок на шыі: гэта сапраўды працуе?

Кожны год з надыходам перыяду прастудных захворванняў людзі ўспамінаюць бабуліны метады іх прафілактыкі і лекавання. Вось што можна цвёрда сказаць пра часнок.

Некаторыя з беларусаў побач з медыцынскімі прэпаратамі імкнецца выкарыстаць і бабуліны метады лячэння і прафілактыкі прастудных захворванняў. Можна згадаць, як у часы кавіду вялікую папулярнасць набылі погляды аб тым, што часнок можа прадухіліць захворванне. Тады пашырылася выкарыстанне розных «амулетаў» з часнаку.

Нядаўна ў з'явілася інфармацыя аб тым, што ў Круглянскім дзіцячым садку на Магілёўшчыне выхавацелька ў мэтах прафілактыкі распаўсюджання прастудных захворванняў прымусіла сваіх выхаванцаў насіць на шыі пластыкавыя яйкі ад кіндар-сюрпрызу з часнаком унутры. Па словах самой жанчыны, яна наўмысна зрабіла кароткія стужачкі, каб гэтыя смярдзючыя амулеты былі бліжэй да дзіцячых твараў.

У сваёй нататцы ў інтэрнэт-выданні «Круглае NEWS» выхавацелька сцвярджае, што бацькі малых такую ініцыятыву падтрымалі і нават паабяцалі забіраць гэтыя вырабы дадому і самастойна мяняць там часнок. Як сцвярджае жанчына, такі спосаб барацьбы з вірусамі цалкам эфектыўны. Але ці насамрэч гэта так?

амулет з часнаком амулет с чесноком amulet with garlic
Выхаванцы дзіцячага садка №1 горада Круглае з амулетамі з часнаком. Фота: krugloe.by

Трэба пагадзіцца з тым, што ў часнаку шмат вітамінаў і мікраэлементаў. Але з-за спецыфікі яго смаку і шкодных наступстваў для сістэмы стрававання яго шмат не зʼясі.

Калі гаварыць пра лекавыя ўласцівасці гэтай гародніны, то ў першую чаргу маюць на ўвазе галоўны часночны дзеючы сродак — аліцын. Ён утвараецца пры механічным разбурэнні клетак часнаку і стварае рэзкі пах. Гэты кампанент вельмі нестабільны і лёгка распадаецца на працягу некалькіх хвілін.

Таму, калі вы вырашылі насіць абарончы амулет з часнаку на шыі, то, каб ён не губляў сваю эфектыўнасць, змесціва трэба мяняць хаця б кожныя дзесяць хвілін.

Як тлумачаць спецыялісты, антыбактэрыяльнае дзеянне аліцыну можа быць добрай падтрымкай арганізму пры бактэрыяльнай прастудзе (вострым рэспіраторным захворванні). Аліцын мае высокую актыўнасць як супраць грамстаноўчых, так і грамадмоўных бактэрый.

А вось пры грыпе і вострай рэспіраторнай віруснай інфекцыі ён можа толькі падтрымаць імунную сістэму.

Таму карысць ад пластыкавых яек ад кіндар-сурпрызаў з часнаком унутры хіба што толькі ў тым, што непрыемны пах будзе прымушаць навакольных трымацца далей ад яго ўладальніка.

Для прафілактыкі захворванняў дактары раяць прывучаць дзяцей часцей мыць рукі з мылам і не чапаць твар бруднымі рукамі.

Больш эфектыўна замест часнаку пакласці ватны дыск ці кавалачак тканіны, на які капнуць любы хвойны эфірны алей. А ў памяшканні выкарыстоўваць аэралямпы з ім.

Чытайце яшчэ:

10 найлепшых натуральных антыбіётыкаў: што гэта за расліны і як яны дзейнічаюць?

Як пазбавіцца непрыемнага паху часнаку

Кіньце часнык ва ўнітаз на ноч. Эфект вас здзівіць

Каментары1

  • 18 рэ
    15.02.2024
    18 рублёў кiлаграм. Лукашьё павiсла у беларусаў на шыi.

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць