Навука і тэхналогіі77

Кітайскія навукоўцы знайшлі спосаб, як сціснуць дата-цэнтр да памераў DVD-дыска

Кітайскія навукоўцы змаглі стварыць DVD-дыск ёмістасцю 1,6 петабайт, што прыкладна ў 24 разы больш за аб'ём сучасных цвёрдых дыскаў. У чым сутнасць тэхналогіі?

DVD
Ілюстрацыйнае фота, створанае штучным інтэлектам

Пра сваё адкрыццё навукоўцы з Шанхайскага ўніверсітэта навукі і тэхналогій расказалі ў часопісе Nature.

Як адзначаецца ў артыкуле, сучасныя цэнтры апрацоўкі даных заснаваныя на такіх тэхналогіях, як паўправадніковыя флэш-прылады і цвёрдыя дыскі, маюць высокія выдаткі энергіі і аперацыйныя выдаткі, а таксама кароткі тэрмін службы.

Шматабяцальным рашэннем для эфектыўнага доўгатэрміновага архіўнага захоўвання даных можа стаць аптычнае захоўванне даных (ODS). Доўгі час лічылася, што яно абмяжоўваецца нізкай ёмістасцю і складанасцю павелічэння шчыльнасці запісу.

Але кітайскія вучоныя знайшлі спосаб, як вырашыць праблему. Яны стварылі зусім новы матэрыял для плёнкі аптычнага дыска. Гэты матэрыял, названы AIE-DDPR, выкарыстоўвае спецыялізаваныя фотаадчувальныя малекулы, здольныя паглынаць фатонныя даныя на нанаўзроўні. Затым яны кадуюцца з дапамогай двухпрамянёвага лазера. Дзякуючы сваёй празрыстасці, AIE-DDPR можна скарыстоўваць пласт за пластом на аптычным дыску без пагаршэння даных у цэлым.

Па сутнасці, новая тэхналогія стварае трохмерную «скрынку» для лічбавай інфармацыі, тым самым экспанентна павялічваючы ёмістасць дыска нармальнага памеру.

Выкарыстоўваючы 54-нанаметровы лазер, каманда вучоных змагла запісаць 100 пластоў даных на аптычны дыск. Прычым кожны ўзровень падзелены ўсяго на 1 мікраметр.

Канчатковым вынікам зʼяўляецца аптычны дыск з трохмерным стэкам (магазінам) пластоў даных, здольны захоўваць каласальны 1,6 петабайт (Пб) інфармацыі (1 петабайт роўны 1024 тэрабайтам даных).

Для параўнання, каб закадаваць такі ж абʼём даных на цвёрдых дысках (HDD), нам спатрэбіцца стос дыскаў вышынёй каля 2 метраў.

Каманда даследчыкаў упэўненая, што гэтая тэхналогія можа стварыць дата-цэнтр маштабу эксабіт (1024 петабайта) у невялікім пакоі, замест стадыёнападобнага комплексу, які выкарыстоўваюць цяпер тэхналагічныя кампаніі.

Больш важна тое, што новыя прылады для захоўвання даных не будуць выкарыстоўваць электрычнасць, калі даныя недаступныя. Таксама будзе зменшаная колькасць электраэнергіі, неабходная для працы сховішча. Сучасныя цэнтры апрацоўкі даных генеруюць вялікую колькасць цяпла, і для іх астуджэння выкарыстоўваецца значная частка энергіі, якая будзе ашчаджацца па меры развіцця цэнтраў апрацоўкі даных.

Чакаюцца і значныя эканамічныя выгады. Па меры паляпшэння тэхналогій захоўвання даных тэхналагічныя кампаніі пераносяць даныя на новыя прылады кожныя тры ці дзесяць гадоў. Чакаецца, што цэнтры апрацоўкі даных на аснове ODS праслужаць 50-100 гадоў без неабходнасці абнаўлення.

Даследчыкі цяпер працуюць над зніжэннем кошту вытворчасці гэтых прылад, каб яны маглі быць хутка даступныя для камерцыйнага выкарыстання.

Чытайце яшчэ:

У Кітаі стварылі клон украінскай блогеркі, які прадае расійскія тавары

Кампанія Маска ўпершыню ўжывіла мікрачып у мозг чалавеку

«Састарэлая тэхналогія». Кітай прызнаў неэфектыўнымі гіпергукавыя «цуда-ракеты» Пуціна

Каментары7

  • Маск
    06.03.2024
    Чушь.
  • Айці-гігант
    07.03.2024
    Загаловак напісаў чалавек, які не разумее, што такое дата-цэнтр. Дата-цэнтр - гэта  ў першую чаргу пра вылічальныя магутнасці, а не носьбіты інфармацыі. Прасцей кажучы, дата-цэнтр аб'ядноўвае шмат камп'ютэраў, а не жорсткіх дыскаў. 
  • Проста жыхар
    07.03.2024
    Тэхналогіі аптычнага запісу паказалі сваю ненадзейнасць. DVD дыскі масавай вытворчасці за адносна кароткі час (у параўнанні з абяцаным тэрмінам службы) губляюць магчымасць перазапісу, а часам нават робяцца нечытэльнымі, проста падчас захоўвання ў скрынках. Сумняюся, што гэтая новая распрацоўка пазбавілася пералічаных праблем.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць