Свет66

Былы куратар групы самазабойцаў «Сіні кіт» цяпер расказвае школьнікам пра вайну і патрыятызм

У 2019 годзе стваральніка групы «Сіні кіт», які схіляў падлеткаў да самагубства, прысудзілі да 6 год калоніі, а цяпер ён ходзіць па школах і расказвае пра так званую СВА — вайну ва Украіне. 

 Аляксандр Глазаў у школе. Фота: Баявое братэрства, старонка Аляксандра Глазава

Нататку пра выступ Аляксандра Глазава з падмаскоўных Люберэц канал «Немасква» выявіў на сайце Усерасійскага таварыства ветэранаў «Баявое братэрства». У рамках мерапрыемства «З чаго пачынаецца патрыятызм» у школе №1 горада Кацельнікі ён распавёў вучням 8 класа пра службу ў «зоне СВА». 

У 2019 годзе Глазава прысудзілі да шасці гадоў калоніі за схіленне падлеткаў да самагубства. На сваіх старонках ва Укантакце ён размяшчаў кантэнт для тых, хто збіраецца скончыць жыццё самагубствам. 

Удзельнікам групы даваў заданні — падняцца на дахі дамоў ці будаўнічыя краны і там сябе сфатаграфаваць, перабегчы цераз чыгуначныя шляхі перад цягніком, наносіць сабе калецтвы — напрыклад, рэзаць лёзамі рукі. Апошні этап — самагубства. 

На судзе Глазаў прызнаў сябе вінаватым. Ён сцвярджаў, што гуляў у гульню «Сіні кіт», выконваючы заданні нейкага куратара, а затым яму самому прапанавалі стаць куратарам, нібыта абяцаючы заплаціць за кожнага гульца 800 тысяч рублёў. Як вынікае з пратаколу Люберэцкага суда, мужчына давёў да спробы самагубства адну дзяўчыну, але яе паспелі выратаваць супрацоўнікі паліцыі. 

У 2019 годзе суд прысудзіў Глазаву 6 год калоніі.

На волю ён выйшаў датэрмінова, пасля ўдзелу ў вайне ва Украіне. На сваёй старонцы ва УКонтакте ён публікуе фатаграфіі, звязаныя з ПВК «Вагнер» і актыўна заклікае ўступаць у шэрагі наймітаў. 

Колькі ён прабыў на фронце, невядома. Магчыма, атрымаў раненне — мяркуючы па здымках, на адной руцэ ў яго не хапае пальцаў.

Каментары6

  • хм
    22.04.2024
    Ясь, боится упасть на кулак. 
  • Лапірамідіўс
    22.04.2024
    А таджыкі тыя з крокусу яшчэ не на фронце? Таксама добрыя лекцыя для руzкай моладзі ад "герояў" сво будуць
  • Спецыяльны ваенны кіт
    22.04.2024
    У прынцыпе, ён працягвае займацца тым жа - схіляе моладзь да самагубстваў. Толькі назва ў смяротнай гульні іншая.

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць