Грамадства55

Белпол: Вагнераўцаў у Беларусі збіраюцца прыняць на службу па кантракце

З гэтай мэтай у найбліжэйшы час будуць унесеныя змены ў заканадаўства, якое рэгламентуе ход вайсковай службы.

Фота: Мінабароны

Арганізацыя былых сілавікоў «Белпол» піша, што атрымала з некалькіх крыніц інфармацыю аб намерах афіцыйнага Мінска легалізаваць прысутнасць наймітаў ПВК «Вагнер» (якая афіцыйна не існуе ў Расіі) і аналагічных ім у нашай краіне шляхам уключэння звестак замежных баевікоў у сістэму вайсковых частак Мінабароны і МУС.

З гэтай мэтай у найбліжэйшы час будуць унесеныя змены ў заканадаўства, якое рэгламентуе ход вайсковай службы, згодна з якімі замежныя грамадзяне і асобы без грамадзянства атрымаюць права паступаць на ваенную службу па кантракце ва Узброеныя сілы, транспартныя сілы, а таксама вайскоўцы, сяржанты і старшыны МУС. Першы кантракт будзе заключаны на адзін год, другі — на тэрмін да пяці гадоў.

Акрамя таго, вышэйзгаданая катэгорыя вайскоўцаў павінна замест ваеннай прысягі даць абавязацельства выконваць Канстытуцыю Рэспублікі Беларусь, ваенныя статуты, патрабаванні беларускага заканадаўства, загады камандзіраў і начальнікаў, паважаць «дзяржаўныя сімвалы» Беларусі і сумленна выконваць умовы дамовы, піша «Белпол».

Нагадаем, што некалькі тысяч вагнераўцаў аказалася ў Беларусі пасля спробу бунту Яўгена Прыгожына ў Расіі ў 22-23 чэрвеня 2023 года, яны атабарыліся пераважна ў вёсцы Цэль Асіповіцкага раёна. Тады называліся лічбы ад шасці да васьмі тысяч.

Байцы часам інструктавалі беларускіх вайскоўцаў, праводзілі з імі заняткі. Пасля авіякатастрофы 23 жніўня, у якой загінуў Прыгожын, вагнераўцы сталі пакідаць Беларусь. Брытанская разведка ацаніла іх колькасць у пачатку лютага 2024 года ў менш за 1000 чалавек, а інструктар Аляксей Бярговін (пазыўны «Брэст») пісаў, што ў Беларусі па гэты дзень працуюць больш за 300 інструктараў у некалькіх навучальных цэнтрах.

@nashanivanews Сілавікам загадалі перастаць піярыць расійскіх вагнераўцаў. Што здарылася? #беларусы #беларусь #милиция #вбеларуси #беларусскаямилиция #жывебеларусь #всрб #навіныбеларусі ♬ DESTRUCTION - SCXR SOUL & NONTHENSE

Каментары5

  • Брестский сырок
    07.03.2024
    Со швабрами их примут? Пускай и местных к ним приучают
  • двор лукашенко
    07.03.2024
    Дело святое. Ведь скотному двору лукашенко нужны те, кто будет проводить массовые расстрелы населения Беларуси.
  • Goj
    07.03.2024
    Вось так па троху і страчваецца суверэнітэт беларусаў на сваёй тэрыторыі. Адразу дазволілі грамадзянам расеі балатавацца ў заканадаўчыя органы ўлады. Цяпер і ў сілавыя ведамствы змогуць дазволіць наймацца, што канешнае нонсэнс для суверэннай дзяржавы. І так па троху грамадзяне іншай дзяржавы змогуць дапускацца да працы ў іншыя дзяржаўныя органы. Па сутнасці ідзе ўмяшальніцтва ў суверэнітэт беларусаў у абход канстытуцыі. А потым ціхай сапай па бандыцкай схеме адбудзецца клясычны рэйдарскі захоп цэлай краіны, і ўсё будзе канешне ў межах заканадаўства. Папрысутнічае группа падтрымкі ў чорнай уніформе ля дома ўрада і пасьля непрацоўны дзень з бесплатнымі гарэлкай і кілбасой. І ня трэба уводу аніякіх войск з бронетэхнікай.

Цяпер чытаюць

Крымскі мост зруйнаваны ўдарам украінскіх ракет41

Крымскі мост зруйнаваны ўдарам украінскіх ракет

Усе навіны →
Усе навіны

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?16

Зніклага расійскага Z-ваенкара Раманава маглі абвінаваціць у дзяржздрадзе5

Па справе абразы доктаркай жанчыны з інваліднасцю на яе працы праводзяць праверку6

Жанчына набыла цукеркі «Бутэлечкі», у якіх усярэдзіне не было лікёру. Чаму так?5

больш чытаных навін
больш лайканых навін

Крымскі мост зруйнаваны ўдарам украінскіх ракет41

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць