Усяго патроху11

Аб'яўлены першы ў свеце конкурс прыгажосці сярод штучных мадэляў. Пераможца атрымае амаль столькі ж, колькі і «Міс Беларусь»

Новы конкурс атрымаў назву «Міс ШІ» («Міс Штучны Інтэлект») і ўжо збірае заяўкі ад першых нейрасеткавых удзельніц. У судзейскай калегіі, як аказалася, таксама будуць штучныя мадэлі, пра адну з якіх мы пісалі раней.

Скрыншот інстаграм-старонкі Айтаны Лопес — штучнай мадэлі, створанай у Іспаніі

Глабальная ініцыятыва па адсочванні дасягненняў ў галіне ШІ World AI Creator Awards (WAICA) у супрацоўніцтве з буйной платформай па стварэнні нейрасеткавага кантэнту Fanvue аб'явіла набор заявак на першы ў свеце конкурс прыгажосці сярод штучных мадэляў-жанчын.

Да ўдзелу ў конкурсе «Міс ШІ» дапускаюцца жывыя аўтары не маладзейшыя за 18 гадоў разам са сваімі штучнымі мадэлямі, якія таксама павінны выглядаць па-даросламу. Другой абавязковай умовай з'яўляецца актыўнасць штучнай мадэлі ў сацсетках, каб журы магло ацэніць іх аватары і іншыя фатаграфіі.

«Ацэнка кандыдатак будзе адбывацца па крытэрыях дасканаласці і праўдападобнасці іх візуальнай выявы класічным стандартам жаночай прыгажосці, крэатыўнасці і ўнікальнасці мадэляў, а таксама па іх навыках узаемадзеяння з аўдыторыяй і адказах на асабістыя пытанні, якія будзе задаваць судзейская калегія», — паведамляюць арганізатары конкурсу «Міс ШІ».

У самой калегіі, акрамя звычайных судзяў, таксама будуць штучныя мадэлі, а менавіта дзве віртуальныя жанчыны з актыўнымі і папулярнымі акаўнтамі ў сацсетках. Пра адну з іх, Айтану Лопес, «Наша Ніва» пісала яшчэ ў мінулым годзе.

Айтана Лопес. Фота: інстаграм-старонка штучнай дзяўчыны

Як адзначаюць арганізатары «Міс ШІ», пераможца конкурсу атрымае грашовы прыз у памеры 5000 даляраў. Яшчэ адныя 5000 даляраў будуць выдаткаваныя на PR-падтрымку сацсетак мадэлі-пераможцы, а самому аўтару яшчэ дадуць доступ да праграмы настаўніцтва па навыках працы з ШІ на суму 3000 даляраў.

Другое і трэцяе месцы атрымаюць аналагічныя прызы, але ў меншым памеры. 

Калі браць толькі грашовы ганарар за першае месца, то штучная пераможца конкурсу «Міс ШІ» атрымае амаль столькі ж, колькі і «Міс Беларусь — 2023» Элеанора Качалоўская, якой, паводле правілаў, далі прыз у памеры 500 базавых велічынь (18500 беларускіх рублёў па курсе базавай велічыні за 2023 год, ці каля 5700 даляраў па афіцыйным курсе на момант фіналу конкурса).

«Міс Беларусь — 2023» не змагла адказаць, хто напісаў «Паўлінку»

Сам набор на конкурс «Міс ШІ» скончыцца 10 мая.

Каментары1

  • прагну аўтэнтычнасці
    23.04.2024
    спаборніцтва фэйкаў і сімулякраў

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць