Навука і тэхналогіі

OpenAI і Meta рыхтуюць новыя мадэлі штучнага інтэлекту, здольныя «разважаць»

Новыя мадэлі павінны з'явіцца ўжо ў гэтым годзе. Яны будуць здольныя не толькі разважаць, але і планаваць новыя крокі. Што гэта значыць на практыцы?

Выява: vecteezy.com

Як піша Financial Times, OpenAI і Meta знаходзяцца на мяжы выпуску новых мадэляў штучнага інтэлекту, якія, паводле іх слоў, будуць здольныя разважаць і планаваць. Гэта стане важным крокам на шляху да распрацоўкі машын з кагнітыўнымі здольнасцямі, якія пераўзыходзяць чалавечыя.

Meta заявіла, што пачне выпуск Llama 3 у найбліжэйшыя тыдні, а OpenAI, якая падтрымліваецца Microsoft, плануе выпусціць новую GPT-5 у «найбліжэйшы час».

«Мы старанна працуем над тым, каб прымусіць гэтыя мадэлі не проста размаўляць, але і разважаць, планаваць, мець памяць»,

— цытуе выданне словы віцэ-прэзідэнткі па даследаваннях штучнага інтэлекту ў Meta Джаэль Піно (Joelle Pineau).

Галоўны аперацыйны дырэктар OpenAI Брэд Лайткэп (Brad Lightcap) у інтэрв'ю Financial Times расказаў, што наступнае пакаленне GPT прадэманструе прагрэс у вырашэнні «складаных праблем», якія патрабуюць развагаў.

Разважанне і планаванне з'яўляюцца важнымі крокамі на шляху да таго, што даследчыкі штучнага інтэлекту называюць «штучным агульным інтэлектам» — пазнаннем на чалавечым узроўні — паколькі яны дазваляюць чат-ботам і віртуальным памочнікам выконваць паслядоўнасць звязаных задач і прадказваць наступствы сваіх дзеянняў.

Выданне паведамляе, што Meta плануе ўкараніць сваю новую мадэль штучнага інтэлекту ў WhatsApp і свае разумныя акуляры Ray-Ban.

Спецыялісты кампаніі расказалі, што камеры ў акулярах Ray-Ban Meta можна будзе выкарыстоўваць, напрыклад, для агляду зламанай кавамашыны, а асістэнт са штучным інтэлектам, які працуе на базе Llama 3, растлумачыць уладальніку, як гэта выправіць.

Вядучы даследчык штучнага інтэлекту карпарацыі Meta Ян Лекун (Yann LeCun) абяцае, што ў хуткім часе

«мы будзем пастаянна размаўляць з гэтымі памочнікамі на аснове штучнага інтэлекту. Уся наша анлайн-актыўнасць будзе адбывацца праз сістэмы штучнага інтэлекту».

Каментары

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць