Свет22

У Інданезіі гіганцкі пітон праглынуў жанчыну

Яе знайшлі праз дзень у жываце змяі.

Сеткаваты пітон. Ілюстрацыйнае фота: commons.wikimedia.org, Mariluna, CC BY-SA 3.0

50-гадовая маці чацвярых дзяцей па імені Фарыда знікла ў лесе, непадалёк ад свайго дома ў вёсцы Калемпанг у Інданезіі. Яна ішла на рынак, куды адправілася прадаваць гародніну са свайго агарода, піша Бі-бі-сі.

Муж Фарыды занепакоіўся, калі яна не вярнулася да ночы і падняў суседзяў, якія разам з ім узяліся за пошукі.

На наступны дзень яны знайшлі ў зарасніках гіганцкага шасціметровага пітона з вялікім уздуццем на жываце. Жыхары вёскі, западозрыўшы найгоршае, парэзалі тоўстую скуру рэптыліі і знайшлі жанчыну ў страўніку змяі.

Па словах старэйшыны вёскі Калемпанг, злавіць пітона і дастаць ахвяру з яго страўніка, дапамагалі жыхары некалькіх суседніх паселішчаў.

Гэта не першы выпадак нападу пітонаў на людзей у Інданезіі. У 2022 годзе 50-гадовая зборшчыца каўчуку была забітая і праглынутая цалкам пітонам ў правінцыі Джамбі на востраве Суматра.

Аднак падобныя выпадкі даволі рэдкія. З 2017 года ў Інданезіі такім чынам загінулі чатыры чалавекі, уключаючы жанчыну, якая была забітая пітонам на гэтым тыдні.

Пітоны заглынаюць ежу цалкам. Іх сківіцы злучаныя вельмі гнуткімі звязкамі, таму яны могуць абхапляць буйную здабычу.

Маладыя пітоны ядуць пацукоў і іншых дробных жывёл, а здабычай дарослых пітонаў могуць быць свінні і нават каровы.

Сеткаваты пітон — самая доўгая змяя ў свеце, яе памер звычайна перавышае 6,25 метра.

Сеткаватыя пітоны жывуць у Паўднёва-Усходняй Азіі. Яны выдатна плаваюць і часам заплываюць нават у адкрытае мора. Палююць яны звычайна ўвечары і ноччу, а дні праводзяць на дрэвах або ў пячорах.

Каментары2

  • Žvir
    08.06.2024
    Łuchta, pitony nie hłytajuć žančyn, bo tyja taksičnyja, duža.
  • Ac..
    09.06.2024
    Гэта стары анэкдот, ажыў мабыць (не пітон, анэкдот) і даплазаваў да бастыена беларушчыны

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць